Advertisement ad1

Jowai: Ha ka yakhun wa nyngkong yong ki artylli ki semi final ynne ka sngi ha pyrdi ka Ladthadlaboh SC pyrchah ïa ka Panaliar SC ka Ladthadlaboh da jop ko da le kool la nod. Ka yalehke man ko wa jem chilliang heiwa ka Panaliar ha ka minit wa nyngkong yong ka yalehke da cha thap kol wot ko. Ïa ka kol wa nyngkong da thap da u Ruby Sutnga. Ha ka minit wa 33 wa ka 75 da thap u Simeon Suchiang sa artylli ki kool kawa pynkut ïa ka yalehke 3-0. Da ini i jop da yoh ka Ladthadlaboh u kam ïa i thaw yong ka ha ka phainal.

Ha pyrdi ka Nangbah Mulang SC pyrchah ïa ka Demthring SC da ye ka Nangbah u pynrem ïa ka Demthring da chi kool donhi. Ïa ka kool wa pynjop ïa ka Nangbah Mulang da thap da u Heimon War ha ka minit wa 10. Ka yalehke man ko kawa ïa thaiñ bha heiwa pyn artylli kini ki kynhun da sai ki i bor i buit yow yoh u pynkhih ïa ka jaar tangwa waroh ki laad wa yoh ki ym em wa ye u pynkylla ïa ki cha ki kol. Kamtæ ka Nangbah Mulang SC da yoh ko ïa i thaw wa khatdooh yong ka phianal kawa daw yachem  pyrchah ko ïa ka Ladthadlaboh SC ha ka tarik wa daw pynbna ha kini ki sngi wa daw wan.

Advertisement ad1

Mynstep won daw em ka phainal ïong ka 3rd Division ha pyrdi ka Lumïawmuchai Shangpung SC pyrchah ka Loompyrdi Mihmyntdu ha i por 2 waje janmiet.

Share this:
Share on Facebook0Tweet about this on TwitterGoogle+0
Advertisement ad1