15 49.0138 8.38624 1 1 4000 1 http://wyrta.com 300

Pteiñ ka Greenergy Lions ya i jop ha ka MBL 2018

0 Comments
Advertisement ad1
Advertisement ad1

Shillong: Hadien wa ynnin tayaw ym em yoh ki u jop ha waroh ki yalehke yong ki, ka Mawlatbah SC Hawks ynne da jop ki le sien ha ka Meghalaya Baby League 2018, katwa ka Langsning Greenergy Lions waka Nongthymmai GC Scorpions da jop ki ha waroh ki yalehke ki.

Ynne da pynman 15 tylli ki yalehke ha ki le tylli ki madan ha Polo heiwa ha ka Western Conference ki Hawks da jop ki ya ki yalehke yong ki pyrchah ya ka Unified Gorkha Gators ha ki kyrdan snem 4-5, 6-7 wa 12-13 katwa ha ki 8-9 snem wa 10-11 snem da kut ki khlem em wa thap kool.

Advertisement ad1

Ka ENE Falcons waka Langsning Greenergy Lions leh da emlang ki ha ka Western Conference wei ka Greenergy Lions da mih ki kam ki wa jop ha waroh ki kyrdan yalehke wei ym pu em rem ki nadooh wa sdang ka MBL 2018.

Ki Scorpions na Nongthymmai Grassroots Centre won da jop ki pyn waroh ki 5 tylli ki yalehke yong ki pyrchah ya ka JNS Jaguars.

Ha ki 10-11 snem toh kiwa boon wa thap kool heiwa da thap waroh 15 tylli, 10 tylli da thap da ka Nongthymmai wei ka Jaguars da thap ki 5 kool.

Wiar uwi na Ammutong hadien wa lai khwe u ha k....

Previous

Chah kem 3 ngut ki baar jylla wa u bhang wa 43....

Next

0 Comments

Leave a Reply