15 49.0138 8.38624 1 1 4000 1 http://wyrta.com 300

Pyllait biang u DC ka WGH ya u Rambo cha khloo

0 Comments

Shillong: Kam chibynta wow yada ya ka rymaw kamjooh leh ya ki mrad khloo, u  Deputy Commissioner, West Garo Hills, u Ram Singh chirup wa ki dkhot ka Huro Programme ini iwa dep da pyllait ki ya uwi u Slow Loris (nycticebus bengalensis) ha Rangwalkamgre Community Reserved Forest wa em ha Babadam, West Garo Hills District.

Ya uni u mrad da chem ha Resubelpara, North Garo Hills ya uwa da pyllait da u Xavi Xavier N Sangma uwa da pyntip won cha ka Huro Programme kawa da wan chimkti ya oo.

U Manager ka Huro Programme, u Pakseng Sangma, da pyntip u wa ka Huro Programme toh ka Wildlife NGO namo ka seiñ kawa kreh wow yada ya ki mrad khloo hapoh ri-loom Garo kawa da kreh nadooh u 2008.

Hawa yoo wa uni u Slow Loris uwa haap hapoh ka Schedule 1 namo ki mrad wa ye u wiar jait, u doctor wa em ha ka Huro da ong u wa emkaam wow pyllait noh wut-wut ya uni u mrad cha khloo.

Ha ka sngi pyllait ya oo, da em ka yalang wa tbian wa pynman da ki Nokma ka Rangwalkamgre, ki dkhot ka Huro da pynsñiawthooh ki ya kiwa em ha kani ka yalang yeiwa emkaam wow da wow kær ya ki mrad hapoh ka thaiñ heiwa ki Nokma na ki ar tylli ki chnong da pynkynmoo ki ya kiwa em ha kani ka sngi yeiwa mahajon ha rymaw dang ha ki por wa nachwa.

Neiliang u Deputy Commissioner, u Ram Singh da kular u wow thooh ki laad ki luti wow da ya ki mrad wei i sñiaw ki jaitbru Garo ya ka rymaw yong ki.

Ki dkhot ka Huro da pyntip ki wa ya uni u mrad da e pytuid “Rambo” hadien wa u DC ka West Garo Hills, da kular u wow thooh ki laad wow yada ya ki mrad khoo wa ya ka rymaw. Heiwa da ong leh wa daw booddien ya uni u mrad wow pyntikna wa im suk u ha kani ka khloo.

Ha kani kayalang da emlang u dkhot wa kreh monsñiawbha ka Huro Programme India, u Bhuto R Marak, u Dr. Saljagringrang Marak wa kiwi kiwi.

Pyrchah ka HNYF ya ka aiñ Citizenship Amendmen....

Previous

Pyrchah joor sa ka AJYWO ya ka Citizenship (Am....

Next

0 Comments

Leave a Reply