15 49.0138 8.38624 1 1 4000 1 http://wyrta.com 300

Pyllait ka BJP ya ka Vision Document neibynta ka Election ha ka jylla

0 Comments

Shillong: Ka Bharatiya Janata Party (BJP) ynne ka sngi da pyllait paidbah ko ya ki phang krehkaam yong ka namo ka Vision Document kawa booh thong wow pynkrehkaam ko lada poi ko hei bor hadien ka election ka wow man ha ka 27 tarik uni u bnai.

Ya kini ki phang krehkaam ka party da pyllait da ka montri ka sorkar pyrdi ka Nirmala Sitharaman ha ka yalang kawa da pynman ha yungkrehkaam ka BJP ha Shillong hei emlang u KJ Alphons u montri khynnah ka tnat Tourism, kiwa kitkaam ka BJP, u Nalin Kohli wa kiwi kiwi.

Katkam ka mat election ka BJP, da booh thong yong ka toh wow pynbha ya ka puræ puthi deiwa wanrah ya ka Education Policy kawa paka wa waroh ki khynnah u lai skur ki, wow kyntu ya i yoh i kot ki paidbah deiwa e bai sumaar kawa T. 5 lak ya uwi u uwi u bru wa chah sumaar, wow chna ya ki laad wow yoh khih yoh kreh, wa kiwi kiwi.

Da kular ko wow pynman ya ka sor Shillong kam ka Model City wow pynlait na i khynnai ki sarok, wow chna ya ki Fly Over, wow pynkhooid ya ki wah, wow pynbiang ya ki umdih wa kiwi kiwi.

Hei yatoh wa i rep i riang, ka party da booh thnong ko wow pynman ya ka jylla kawa lait na i pynemkaam ya ki sboh dawai deiwa pynchlur da ki sboh wa e ka rymaw, wow wanrah ya ki skur wa yatoh wa ka rep ka riang, ki kaam ri mrad wa kiwi kiwi.

Da booh hong leh wow chna ya ki yung neibynta kiwa dooh, wow e khoo rap boon cha ki manyung kiwa rap dooh wa kiwi kiwi ki kaam pynroi.

Da kular ko wow pyndam noh yei khang tih mooyong hapoh 180 sngi lada wan ko heibor ha kani ka jylla, nalor wow pynhiar dor ya ka bai bordiñ da 30 naka 100 ha ki sor katwa mar chiteiñ ha ki thaiñ palatsor.

Ka Nirmala Sitharaman hawa klam hadien wa pyllait ya kani ki phang Election ka Party da ong ko wa i kylla ha ka ri da poi i ha kylleiñ ka ri khlem poi ha ka Meghalaya, neibhah wymhoi i rukom krehkaam ka Congress.

Ka Nirmala da ong ko wa hanlada poi i kylla ha ka ri nadooh wa wan ka sorkar BJP ha u snem 2014, tangwa ka Meghalaya dang sahdien ko liang wanang.

Ka phang Election ka BJP toh wa kular ko wow sonteri i wan psiah ki bru kiwa na baar ri wa ki kiwa na baar jylla, katwa u Nalin Kohli da ong u wa ka Inner Line Permit (ILP) man ko ka kaam kawa dang pyrkhat wei ymtoh wow pynman ya ka ka phang Election ka Party.

Cha u ECI ka ri ujor ka BJP wa yachah chillian....

Previous

Ka BJP yohlaad ko u psiah cha ka thaiñ mihsngi....

Next

0 Comments

Leave a Reply