15 49.0138 8.38624 1 1 4000 1 http://wyrta.com 300 0

Pyllait u President ka MPUF-EJHD ya ka kyrdan GS kawa ksoh u ha ka Central Body

0 Comments
Advertisement ad1

Khliehriat: Ka seiñ Meghalaya People’s United Front-Central Governing Body (MPUF-CGB) hadien wa u President warim yong ka seiñ, u Dapoiwanmi Laloo da psiah u cha ka kaam saiñ hima ha kani ka Election MDC wa dadep wei khnang wow pynlai bait ya ki kaam ka seiñ ha ka Central Executive wa da pynman ha yung krehkaam ka seiñ da iwi i sur waroh da rai ki wow thung ya u Michal Chyrmang uwa man kam u President ka chnat ha East Jaiñtia wow pait ya ka kaam General Secretary hapoh ka Central Governing Body.

Hadien ini neiliang yong u Michal wa ki dkhot ka chnat na East Jaiñtia da pyrkhat bha ki wei da rai wow pyllait noh ya ka kaam GS khnang wa kiwi leh ki dkhot u yoh bynta ki wow chakri ya ki paidbah.

Advertisement ad1

Chooh chooh u Michal da ong u wa dang kwah u wow kreh ya ki kaam hapoh East Jaiñtia neibhah ym man ko kawa suk wow ksoh ya ki kyrdan wa heh ha waroh ar liang, wei i pyllait ya kani ka kaam ym mut i wa em i yaphær yumut hapoh ka seiñ namo wow ieh noh u ya ka seiñ.

Da ong u leh wa dang man hi u kam u President ka MPUF-EJHD wa u dkhot ka Central Governing Body.

Da pynkut u deiwa ong wa ya kani ka bynta da leh neiliang yong oo wa ki dkhot ka East Jaiñtia heiwa waroh da rai ki wow tyrwa biang ya u President warim ka seiñ u Dapoiwanmi Laloo wow uiñ biang u cha ka seiñ neibhah wa ka seiñ dang tlot ko wei ka seiñ kamjooh leh ki paidbah dang emkaam ki ya oo kam uwa yahkhmat.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply