15 49.0138 8.38624 1 1 4000 1 http://wyrta.com 300 0
Advertisement ad1
Advertisement ad1

Pynbna u sahep IAS ya ki marks Board Exam u hadien wa pynkut uwi u khynnah yei mynsien

0 Comments

Jowai: I pynbna ya ka Result Class X wa Class XII kiwa da sdang ha kini ki sngi wa da dep da wanrah ko yei kmen ya kiwa boon tangwa em leh kiwa sñiawsih yeiwa ym em ye u leh bha wei em leh kiwa ym em lait ya kini ki Exam hadooh wa pynkut ya i mynsien yong ki.

Yow e mynsien ya ki khynnah kiwa ymem lehbha, uwi u IAS 2009-Batch u Awanish Kumar Sharan, uwa man katni kam u District Magistrate ka Kabirdham District, Chhattisgarh, da pynemkaam u ya ka Facebook deiwa ong wa ym toh u dooh mynsien lada ym em lehbha ki ha ki Exam.

Da thoh u ha Facebook wa katwon sñiawsih u wow puræ khubor wa da em uwi wa chim yei mynsien yong oo neidaw wa ym em lehbha haka Exam, kamtæ da kyntu u ya waroh ki khynnah wa dang puræ kamjooh ya ki bei ki pa ym toh wow chimkhia ware ya ka Result wa da dep mih neibhah daw em chooh ki laad cha khmat wow pynyoo yei bor yei stat yong ki wei ym toh iwa da kut.

Yow pynsakhiat ya ini, u Awanish Kumar Sharan da khana u ya ki Marks wa yoh u ha Class X, Class XII wa Graduation ha Facebook.

Da khana u wa haka Class X da yoh u 44.5%, Class XII 65% wa haka Graduation 60.7% tangwa ym em pyndooh mynsien ki ya oo wei da booh thong u wow jop yaka Union Public Service Commission Exams hadooh wa katni da man IAS u.

Da ong u leh wa ym toh wow e laad ya i duna ki marks namo ka percentage wow rai ya ka mynstep waka mankawi yong phi, emkaam wow rai kut wow krehchitom wei ym toh u sñiaw wa da rem wei da kut ka pyrthai.

Advertisement ad1

0 Comments

Leave a Reply