Jowai : Ka NGO Aide et Action na Shillong ha kani ka 28 tarik da wan yachem ki wa ki waheh chnong wa ki paidbah ki wa em hapoh ka Amlarem C&RD Block hajrong ki project ka Asian Development Bank (ADB) iwa pynkreh lang wa ka sorkar Meghalaya.

Boon na kini ki project toh kiwa e yarap ya kiwa kwah u yieñ ha ki yong ki hi ki kjat deiwa yarap ya ki u pynbha pynheh ya ki khih ki kreh wa da sdang ki deiwa pynku yei stad i nang ki bru deiwa pynku ya i puræ puthi kamjooh u e sikai kyrpang ya ki kam ki “Skill Development” kamjooh leh u yarap ya ki khyrnoo kiwa ym pu yoh laad u sdang kreh.

Kani ka project kawa da kyrchaan poisa da ka ADB toh ka seiñ nyngkong wei da pyrchang ki u pynku yei khih i kreh ki bru lyngba i stad i tip.

U ma Kamki Diengdoh Communication SP ka Aide et Action hei pynche yong oo cha ki paidbah hajrong kani ka project da ong u wa yow pynku yei puræ puthi na ki 39 tylli ki Block hapoh ka jylla da jied ya 3 tylli ki skur na man kawi pa kawi ka Block ki wow yoh yarap lyngba kani ka project. Waroh da jied 117 tylli ki skur yow pynku cha ki Secondary wa ki Higher Secondary.

aiet1

Da yarap leh ya 3500 ngut ki nongsikai na ki 636 tylli ki skur wa kynthup ya ki nongsikai ki 117 ki wa em hapoh kani ka project.

Hei yatoh wa ka skill development næ i yarap ya kiwa kreh u pynpliah chooh hei pyllai yei kreh wa da seiñ ki da dep e sikai mynkna la 60 hajar ngut ki khynnah khyroo khyllood ha kini ki san snem yow ye ki u chim kabu ya kani ka project ka ADB.

Da esikai ha ki jait kreh wapher wapher kam i Hospitality, Security, Information Technology, Retail, Tourism, Health Care, Construction wa kiwi kiwi.

Kani ka project ym em thmu wow kut ko du ha kiwa da dep puræ puthi hynrei kiwa da pep skur chiteiñ leh næ ki wa ym em puræ puthi, emkaam du i thrang yong ki samen donhi u pynku yei sap wa em ki.

Ha kani ka sngi da emlang u BDO u ma B. Sungoh, u ma Puberun D Pulkan, Programme Manager, ka Aide et Action wei ya ka yalang da pyllai da ka Monalisa Pariat.

Share this:
Share on Facebook0Tweet about this on TwitterGoogle+0
Advertisement ad1