Advertisement ad1

Jowai: Ka seiñ Jaiñtia Students Union-1 (JSU-1) da pynbna ko yei sñiawkhia hajrong i rukom krehkaam yong u President warim i wym ye u pdiang hadooh wa da mih ki kulmar i wym che ha kiwa boon ki dkhot ka seiñ.

Ka seiñ da pynche paidbah ko yei piah arliang ka JSU wa ymtoh wa yaknieh bor toh du neidaw wa ka seiñ kwah ko wow kreh hok katkam ka Constitution ka JSU wei da em leh ya kiwa boon ki daw wym neh chah de ki.

Advertisement ad1

Ka wi toh nadooh 2016 da rai ka CEC wow pynman Election wei da boonsien pep ma pep wei hadooh uni u snem da rai wa nadooh u Duyatra (January) 2017 wow pynman Election haka 25 tarik Thohlakhmi (February) 2017 wei da pyndam hadien won da rai wow pynman ha ka 12 Naitung (April) 2017 wei da kyrriah biang sa chisien cha ka 13 tarik uni u bnai wei da pyndam biang ya ka.

Kam kiwa yahkhmat ki Unit wa ki Circle waphær waphær da ong ki wa ym ye chah de ki yeini wei ym tip de iyi daw wa em cha lyndet.

Kani ka seiñ ym toh yong u bru samen wa yoh u leh katwa ngait wei man ko ka seiñ ka ri Jaiñtia waroh kawi wei toh u burom ya ka seiñ wa sdang nadooh u snem 1972 wei da kyntu ya u President warim wow e u yei pynche wa biang ha khmat ki paidbah wei lada ym leh u yeini daw khut da ka yalang paidbah neibynta ka Constitution ka seiñ yow batai u ya ka yurim wa yeiñ u.

Da dep khut Election biang u hadien wa mih ki Unit wa ki Circle? Yi wa e bor ya oo? Da kylli ka seiñ. U Chairman ka Election Committee toh u E. Plae kamwa da jied daka CEC ha ka 12 tarik u Naitung (April) wei ka seiñ lyngoh ko wa hadien won wa jied ya oo kam u Secretary Election Committee oo dang leh u kam u President ka JSU wei da kular u wow chimkhia khlem thiah khlem dem ha khmat ka CEC wow pyllai bait ya ka Election ha ka 13 tarik uni u bnai tangwa cheiwon kani ka kular.

Kani toh katkam ka khubor na u R.S. Nongtdu, General Secretary ka JSU-1 SC.

Share this:
Share on Facebook0Tweet about this on TwitterGoogle+0
Advertisement ad1