Advertisement ad1

Jowai : Ka KNGCSU hadien wa pynmih khubor u Montri ka Puræ Puthi u Dr. R.C. Laloo heiwa da pynche u hajrong ki dawa ka seiñ, ka seiñ da jubab ko deiwa ong wa “ini man i i jubab da burom hi eh u pyn da oo ya oo hi deiwa ong wa ki principal wapher wapher da thung be-aiñ ki ya kini ki 13 ngut nadooh 23.12.1997 hadooh 7.06.2011, i kwah i u tip wa ha kitu ki por yi leh u katwa dang man u uwi na ki Local MLA yong ka Jowai ha u snem 1997. Ha i jooh i por man u leh u Professor, weileh ym  peit u ya kini kiwa jia wa weileh dang heini khyrngiat u khamtam kini ki wakreh da kreh ki palat 14 snem kattu”.

Chooh chooh ka seiñ da beiñ ko ya u Dr. R.C. Laloo yeiwa da kdaw kti u ya ki principal ha ki college yong ka jylla wa boon kiwa da sikai slem em ki ha kani ka kolej tangwa ym bien ki u man kam ki principal cha Garo Hills. Ka seiñ da jubab kylla ko ya uni u Montri deiwa ong wa kam u Education Minister toh u chimkhia u yeini neibhah kam ki khynnah puræ ym em u dawa ki iwon iwon leh hei yatoh wa ki principal.

Hei yatoh wow pynheh ya ka building wei wow chna ya ka building yong ka Class XI bad XII ki bor District ki ong wa tyrwa ki cha ki, tangwa i sakhiat man i wa ini man i i dawa yong ki khynnah iwa da slem bha weiwa hadooh katni ym pu em mankaam i.

“I burom i ya u Education Minister Prof. R. C. Laloo, wa man u leh kam u nongsikai tangwa neiyi i daw ym sniawthooh u yei eh i khoo wa chem i” da ong ka KNGCSU.

Da pynkut ka seiñ ya ka khubor yong ka deiwa ong “elad wa ka mynried yong i u man ko kawa tyrchiah”.

Share this:
Share on Facebook0Tweet about this on TwitterGoogle+0
Advertisement ad1