Advertisement ad1

Jwai: Ka East Jaintia National Council (EJNC) da kynnoh ko wa em kattu kattni tylli ki thaw sait kari ha East Jaintia Hills da pynemkaam ki da ki nar umkor G.I. Pipe iong ka PHE. U general secretary iong ka EJNC u Sambormi Lyngdoh ong u hawa iaklam wa kini ki tre thaw sait kari da ong ki wa kam wa yoo phi ka muhor ka PHE tæ mut leh toh wa thied i naka PHE na Jwai. Kamtae ka seiñ da lai ujor ko cha u Executive Engineer ka PHE u Ma C. Najiar ha Jwai ia i ni i pynemkaam bakla ia ki pipe ka PHE wei da e por ko 20 sngi ia ka tnat PHE u lai takit ko ia i ni i kaam.

Advertisement ad1

Hadein 20 sngi ka EJNC da lai iachem biang ko ia u Ma C. Najiar  heiwa Oo da saitkhooid u wa ym em ki pipe PHE wa wiar na stock. Ha i juh i por leh ong u wa ka tnat PHE ym pu em u lai takit ko cha kini ki thaw sait kari ha kini ki 20 sngi wa da dep. Da pan por biang u sa 10 sngi ioh u phah ia ki bru iong Oo cha kini ki thaw sait kari deiwa u ia emlang ki dkhot ka EJNC.

Thaw sait kari ha East Jaintia Hills.

U Sambormi Lyngdoh da pynrem jur u ia i ni i leh ka PHE wa ym em chim khia ko ia i ujor iong ka seiñ. Hei sakhiat toh u lai takit ko wud wud ioh u chem ia kiwa em kti ha i dai ia kini ki pipe kiwa toh i hok iong ki paidbah waroh. Da sniaw phylla u leh ia i len ka tnat PHE wa ym em wiar pipe neibhah ha kini ki sngi wa da dep mih ki khubor wa chah tooh pipe ka PHE. Da ong u leh wa hadien kini ki 10 sngi lada ka tnat PHE ym leh ko i yi i yi leh, ka seiñ u lai rah ko ia kani ka kam cha u Myntri ka tnat PHE.

Share this:
Share on Facebook0Tweet about this on TwitterGoogle+0
Advertisement ad1