Advertisement ad1

Jowai: Ynnin ka sngi ha Jowai da lehkmen iaka 54th Teacher’s Day ha District Library Auditorium, Mynthong deilang wa emlang ki khynnah na ki skur wa boon iong ka district.

Advertisement ad1

U Prof. R.C Laloo da man u kam u Kongsan ha kani ka sngi deilang wa u Arunkumar Kembhavi, IAS, Deputy Commissioner, West Jaintia Hills District kam u symbood kongsan. U Andrew Shullai, Deputy Chief Executive Member, JHADC kam u Special Guest.

Ia ka District Award ynne ka sngi da pynkup cha ka kong Gracely Pde, Principal Sokha Government Higher Secondary School, ka kong Mayalang Passah Headmistress Jowai Presbyterian Upper Primary School, u ma Jopshwa Kynjing  Head Teacher Panaliar Government Lower Primary School, ka Carilin Pakma Guide Captain na H.K Singh Memorial Secondary School, Jowai, u Tonroy Iongwai Scout Master naka Albin Lamare Secondary School Nangbah, kiwa da lehbha ha ki kaam education..

U Prof R.C Laloo da pynpaw u ia i sniawkmen iong Oo hawa ioh u emlang ha kani ka sngi wa kyrpang iong ki nongsikai. Da e khublei u ia waroh ki nongsikai kamjooh leh da iaroh ia ki chakri iong ki ha i iatoh wa i pynwandur ia ka lawei ki khynnah skur waroh. Da kynmoo u leh ia ki por khynnah skur wa tympang iong Oo wei dap u da i snaiwngooh ia waroh i stat wa da ioh u na ki nongsikai u.

Kam u retired professor, u Prof R.C Laloo ong u manda kynmoo u ia ki 34 snem wa da man u kam u nongsikai ong u dap u da i sniawsarong don hi watoh nga toh u nongsikai.

Kam u Politician ong u iapher bak la bak wa u nongsikai. U nongsikai hap pynkhreh man ka sngi samen samen tangwa kam u Politician em u boon ki nongiarap ha ki kam u man ka sngi.

I sap ki nongsikai toh wa da e da u Blai neitae i daw ym toh waroh wa ye u man kam ki nongsikai.

Da pynbna u leh wym slem de daw em khutkreh ia ki 100 tylli ki kaam sikai ha ki Lower Primary School wa kiwa ye u ialeh toh du kitu wa ioh 45% marks ha ka Higher Secondary wei wa em Diploma haka Elementary Education.

Pynchlur u ia waroh ki nongsaikai yow man kiwa ka-it u purea kot iow ioh chooh chooh ki i tip wow iarap ia ki ha i kaam ki wei toh u rai ki u pynthymme biang ia i kut jingmut u man nongsikai.

Pynkynmoo u leh ia ki khynnah skur kamjooh u warom wa u bood ia ki luti wa pynyoo ki ia ki.

U Deputy Commissioner leh da e khublei u ia waroh ki nongsikai wa kamjooh iaroh u i ki kaam bha wa da leh ki. Ha ijooh i por leh sniawsih u yoo ia ki khynnah skur katni wa da hiar i niaw kor i warom ia ki nongsikai, kyntu u ia ki khynnah skur wa la kammon kammon leh toh u e i waroh ia ki nongsikai.

Da pynchongchi ya kani ka sngi da ki rwai ki chad na khynnah skur waphaer waphaer.

Advertisement ad1
Advertisement ad1