Advertisement ad1

JOWAI : Ynne ka sngi ki skur wa em hapoh Jwai da pynman ki i ialehke hei iatoh i pynemwarom ia ka Sngi ki Nongsikai næ Teachers Day iong uni u snem 2015. Ha kawa ki khynnah skur da pynpaw ki yei sniawngooh iong ki ia ki nongsikai da ki kyntien iaroh ki sur rwai wa ki chad. Ha kani ka sngi da ioh lad u sakhi du letylli donhi ki skur, ha KJP Synod Mihngi HSS wa ha Kiang Nangbah Govt. HSS Jowai Presbyterian HSS.

Ha KJP HSS Ki khynnah skur da pynyoo sakhiat ki yei leh warom ki ia ki nongsikai heiwa chynna wa i pynkhreh man iwa pliah nadooh i pynriam pynphooh ya ka rynsan hadooh ki ialehke man kiwa da pynkhreh bha da ki khynnah puræ na ki klass waphær waphær. Ha kawa ki rwai man kiwa sniawsuk ki kyntien wa choh jingmut, ki lehke ki chad leh kiwa yoosuk yoo kynjai, kiwa pynkhih doh ia kiwa peitke. Yeini i ialehke da pynbeit pynsood pyllai pynwan da ki khynnah skur hi nadong chadong.

Advertisement ad1

Ha Kiang Nangbah Govt. HSS i ialehke da pynman hapoh auditorium ka college. Ha kani ka sngi da pdiang warom leh ki khynnah skur thymme iong ka. Heini leh ia i pynbiang pyntoh da leh da ki khynnah purae hi. ka Vice Principal kong R Pyrtuh hei klam iong ka da ong ko wa kam ki khynnah skur wym toh u hun du heiwa man ki katni toh u ialeh ki u tia u toor ki chaphrang, em ka lad iaphi u man ki bru wa khrooo. Ha i im ki khynnah skur lait na ki bei ki pa, ki nongsikai toh kiwa ha chrooh iong phi, ki wow iarap ia phi.  Ong ko leh wa u kynmmoo wym hoi u mylliñ yei tre.

Ka Principal kong Susan Laloo ong ko i jingmut yong i ktien nongsikai hei ktien sanskrit guru, ‘GU’ mut u kariah yei doom, ‘RU’ u wan rah i che i, iwa mut ki nongsikai toh ki nongwan rah yei che ha i thaw wa doom. Ym em jingmut u pynemwaron phi ia ki nongsikai du ha kani ka sngi, iwa emkaam toh ki akor salon wa bha iong phi khlieh ka sngi. Kyntu ko leh ia ki khynnah skur u man kiwa em discipline kiwa tista ha i kamram kam ki khynnah puræ, khnang wow ioh u kheit u soh wa bah, ii m mynried u man iwa phooh. ong chooh chooh ko, e wa ki soodong sookun ki thaw puræ u man kiwa khooid wa suba.

Ha ka Jowai Presbyterian HSS leh ki khynnah kani ka skur da ia chim bynta chongchit bha ki heiwa u ialehke pynsniawbha ia ki nongsikai ha kam kani ka sngi wa khroo iong ki nongsikai. Heiwa ki khynnah da e ki ia ki rwai ki sur wa bang wa thiang ki ialehke ki chad kiwa yoosuk. Ha kani won ka skur ki nongsikai leh da ia chim bynta ki deiwa e ki yei sur rwai wa sniawsuk.

Ki nongsikai ka Jowai Presbyterian Higher Secondary School

Ki khynnah skur ka Jowai Presbyterian HSS

KJP HSS

Ki khynnah skur ka KJP HSS

Ki khynnah skur ka Kiang Nangbah Govt. HSS

Ki khynnah skur ka Kiang Nangbah Govt. HSS

Ki khynnah skur ka Kiang Nangbah Govt. HSS

Share this:
Share on Facebook0Tweet about this on TwitterGoogle+0
Advertisement ad1