Advertisement ad1

Jowai : Ka seiñ Federation of All Jaintia People (FAJP), Central Body ha ka yalang kawa da man ha ophis krehkaam ka seiñ ha Lad-Nartiang Jowai ha kani ka 12 Kmaichonglad 2015, da pynkha tnat krehkaam ko nei bynta ki khynthai kawa da tip kam ka Women Wings khnang wow pynkhlan yei krehkaam ka seiñ hapoh Ri Loom Jaintia.

Ha katai ka sngi da em ka yalang kawa da pynlai da u Riwanki Suchiang uwa man leh u Assistant Secretary ka seiñ ha kawa da yoh leh yei klam wei sneiñ kyntu na u President ka seiñ u Phros Nongbah uwa da ong wa kiwon kiwon ki nongkit kaam nei bynta ka jaitbru toh u em akor em burom ki weiwa emkaam leh u man ki kiwa chlur. Wei da ong u leh wa ka seiñ thmu ko u kreh neibynta ka hok ka jaitbru.

Ha katai ka sngi da jied ya ki nongkitkaam yong ka Women Wings kam ka President ka Battimon Dhar, General Secretary ka Marso Dhar, Treasurer ka Pherlin Siangshai chirup wa 12 ngut ki Executive Member.

Share this:
Share on Facebook0Tweet about this on TwitterGoogle+0
Advertisement ad1