15 49.0138 8.38624 1 1 4000 1 http://wyrta.com 300 0
Advertisement ad1

Pynkhreh ka chnat Election wow pynman ya ka thap Vote wa lai bait ha ki 3167 tylli ki Polling Station

0 Comments

Shillong: Ka chnat Election ha ka jylla ka da pynkhreh bha ko neibynta wow pynman ya ka thap Vote kawa lai bait neibynta ki ar tylli ki Parliamentary Constituency, kitæ ka Shillong wa Tura Seat.

U Chief Electoral Officer (CEO) ka jylla u Fedrick R Kharkongor da pyntip u wa ka chnat pynkhreh ko leh wow pynlai bait ya ka Election lada em i pynthut ka rymaw deiwa pynbiang ya ki tarpal ha waroh ki Polling Station.

Da pyntip u wa da em 3167 tylli ki Polling Station ha ka jylla wei da phah 4 ngut ki sahep neibynta kawi ka Polling Station nalor wow phah leh ha waroh ya ki Pulit wa kynthup waroh 9 hajar ngut ki pulit na ka jylla, 40 Company ki pulit CAPF wei palat 17 spah ngut ki Home Guard.

U CEO da pyntip u leh wa hadooh katni da yoh kem T.71 lak ka poisa kamjooh i kyiad iwa chong dor hadooh T.11 lak wei da suba wa ye u man iwa thmu u pynemkaam ha ka por Election.

U Kharkongor da pyntip u leh wa em 417 tylli ki Polling Station kiwa ye u man kiwa ym lai bait wa 107 tylli kiwa ye u em i ma wei neibynta kini da pynkhreh leh ya ki bor ka aiñ.

Heiyatoh won wa ki thaw niaw Vote u CEO da pyntip u wa da em hadooh 13 tylli ki thaw thap Vote wa kynthup ya waroh ki 11 tylli ki District Headquarter wa 2 tylli ki Civil Sub-Division, ha Mairang wa Sohra.

Advertisement ad1

0 Comments

Leave a Reply