15 49.0138 8.38624 1 1 4000 1 http://wyrta.com 300

Pynkup burom ka NPP ya ki MLA yong ka na Meghalaya, Nagaland wa Manipur

0 Comments
Advertisement ad1

Shillong: Ka National President of National People’s Party (NPP) chirup wa u montri rangbah ka jylla, u Conrad K. Sangma ynne da ong ki wa ka party kwah ko wow yoh yei chaniah na ki bru ka thaiñ mihsngi wow lai chaphrang wow wanrah yei roi i paar.

Yeini u Conrad da ong u ha ka yalang pynkupburom wa pynman da ka NPP Meghalaya State Unit ha U Soso Tham Auditorium, Shillong.

Advertisement ad1
Advertisement ad1

“Ka NPP em ko ka thong neibynta ki paidbah wow wanrah katkam i thrang wei angnood yong ki,” da ong u Conrad.

Deiwa e khublei ya ka Meghalaya State Unit, Manipur State Unit wa Nagaland State Unit, u Conrad K. Sangma da ong u wa ka NPP em ko ha ka luti wa dang sdang wow rah ya i sñiaw yong ki bru ka thaiñ mihsngi.

Da ong u wa ka NPP daw yakhun ko ha ka Assembly Election ha jylla Mizoram wa ka Lok Sabha Election ha u 2019 na waroh ki phra jylla ka thaiñ.

Heijooh i por da pynkynmoo u ya ka thong krehkaam u Purno Agitok Sangma, deiwa ong wa ki yurim krehkaam yong oo, ka party u bood ko ki khamtam neibynta ki khian paaid kiwa em hapoh ak ri.

Da ong u leh wa i naam ka NPP kam ka party da tipmit ya ka ha jylla Meghalaya, Manipur wa Nagaland wei ha u 2018 ka Assembly Election ha Nagaland, ka NPP yoh bhah ko hadooh 7% ka vote wei da chah jied leh ar ngut ki MLA ka party.

Ka Meghalaya State Unit ynne da pynkup burom ko ya ki 20 ngut ki MLA wei kamjooh leh ki MLA na Nagaland u Symbood montri rangbah ka Manipur, u Yumnam Joykumar Singh, u montri ka Health, u L Jayanta Kumar, u Montri ka Sports and Youth Affairs, u Letpao Haokip wa u montri ka tnat Tribal Affairs, u N. Kayishii.

Dawa ka JNC wow pyndooh i e ST Certificate ya ....

Previous

Pyrchah ka HNYF ya ka aiñ Citizenship Amendmen....

Next

0 Comments

Leave a Reply