Jowai:  Ka seiñ Darew-i-War, Jowai (SDIW)  da dep pynman ko ia ka Social Get Together kawa ar iong ka ha kani ka 26.09.2015 ha District Library Auditorium, Mynthong Jowai, ha kawa u ma Holan Do Lamin MDC ka War Central da man u kam u kongsan.

Ha kani ka ka ialang ka seiñ SDIW da emlang u ma H.Pohthmi MDC War West u wa man kam  u symbood kongsan kamjooh dei emlang u Stephanson Mukhim MLA Amlarem Constituency. I thmu iong kani ka ialang toh u kyntu ia i nang i stad hapoh ka chnong ka thaw wa ki jait bru hi waroh kawi ha kawa ki bru chem phang da batai bniah hajrong u  kani ka phang.

Advertisement ad1

Ka seiñ leh da sam khusnam ko cha ki khynnah wa ki kynroo puræ ka thain War kiwa puræ ha Jowai kiwa da leh bha ha ki eksamin wapher wapher iong ki kiwa kynthup ia ka Khamti Lamare SSLC ka wa da ioh 88.66%, ka Banrihun Pohshna SSLC 81.33%, ka Licarious Mukhim SSLC 79.66%, ka Sherry Shylla SSLC 79.66%, u Midfort Shylla XII Arts 62.6%, u Salonsar Jungai XII Commerce 50%, u Kampher Dhar XII Science 72%,  u Iahshwa Jungai XII Science 71.6% wa ka Wandi Grace Mary Lamin XII Science 70.8%.

Ka seiñ leh da e khusnam cha ki kynroo khyllood War kiwa da e snam (Blood Donation) cha ki para War kiba kynthup ia u Wanlin Lynthong, u Helpmi Suchiang, u Issac Shylla, u Dapmon Syngkor wa u Jorlait Suting.

Da pynphooh pynphein chooh chooh ia kani ka ialang  da ki chad, ki rwai, ki pynyoo riam wa kiwi de kiwi pynchongchit ia ki paidbah kiwa da iachim bynta da ki kynroo khyllood iong ki War Jaintia.

 

Share this:
Share on Facebook0Tweet about this on TwitterGoogle+0
Advertisement ad1