Advertisement ad1

Jowai: Ka Thomas Jones Synod College Jwai haka 11 tarik u nai khynde da pynkut ko iaka taiaw lehkmen iong ka college, deiwa pynkup warom ko iaki khynnah puræ iong ka kiwa da pyndep iaka graduate iong u snem 2015, kamjooh leh da e kusnam ko ia ki khynnah kiwa da poi chakhmat haka eksamin MBOSE waka NEHU.

Advertisement ad1

Ha kani ka sngi ka Thomas Jones College da pynemwarom ko ia ki 290 ngut ki khynnah puræ ko kiwa da pyndep ia ka kyrdan graduation ha ka Bachelor of Arts (BA) wa ka Bachelor of Commerce (B.Com). Nakini ki 290 ngut 275 toh ki khynnah puræ BA wa 15 ngut kiwa puræ B.Com.  Ia kini khynroo khyllood ha kani ka sngi da lehwarom da ki khynnah ka kolej kamjooh ki nongsikai kiwa da kitbok kyrwiang ia ki ia ka luti wad aw lai ki neini chakhmat wa ia ka mynried mankawi  iong ki.

Da saam leh iaki khusnam cha ki khynroo kiwa da wanrah nam wanrah warom iaka college lyngbai kreh chitom iong ki, kitæ toh arngut haka Class XII Arts, u khynroo Lakhon Shylla uwa da ioh iaka nam  1st  Division Topper hapoh kolej haka klass XII Arts iong ka MBOSE, wa u  khynroo Tremi Lamare uwa da ioh haka kyrdan 1st Division Class XII Arts, ia kini ki khusnam da noh kyllooid da ka kong M.Jungai kawa da saam leh ia ki.

Da em le ngut won kiwa da pyndep iaka Degree Final Year iong ka NEHU, u khynroo  Jesper Suchiang  general student uwa da ioh haka kyrdan 1st class, 2nd Position University merit list, u khynroo Kitboklang Lyngdoh general student wa da ioh haka kyrdan 1st class, 3rd position ha ka university merit list wa u khynroo Augustine Rongngi Honours English uwa da ioh haka kyrdan 1st class, 6th Position University Merit list. Da noh kylloid ia kini ki khusnam da u  G.S.Shullai wa u ma B.N. Lamare.

U H. Nongpluh u Vice Principal kani ka kolej da kynmo tympang u ia por wada ioh u pynlut wa kini ki khynnah puræ khamtam wa kini kiwa wan chakhmat dei wa ong i kitkhia ki yei puræ puthi da iah lang ko ia kiwi leh u pynbood ki ia ki jinglong iong ki. Ong wa lada poi phi kat wa em i kyrdan ha ka mynried mankawi ham tieñ u leh yei hok wa toh u leh.

U D.M. Wallang da snieñ kyntu u ia ki khynnah u thooh ki i kreh wa hun ki u kreh yow lait na ki jingkit wa khia wa ye u pynwit ia i jingim ki iwa ye u iah cha i sniawsih ia ki.

Ha kani ka sngi da pyllait paidbah leh iaka newsletter ka thup wa nyngkong iong ka History Department, kawa da e pyrtuit ka Historical Quest, i jingmut wa e pyrtuit daka Historical Quest katkam i khana ka kong A.Thma Head Department History ong ko toh i thooh ia iyi iyi iwa thymme katkam ka juk science and technology, wei ini ithooh bniah toh chaphang ka parom iong ki pateiñ wa da lai iow wanrah yutip haki pateiñ wa katni.

Da pynkut ia kani ka ‘Graduation Day’ dei wa saam da ki momento cha waroh ki khynnah puræ ki wa u lai cha kiwi ki kyrdan wa heh ha ka jingim ki.

Ha kani ka sngi da emlang leh u Rev.D.M Syiem, Secretary KJP Synod Mihngi, ka kong M. Jungai, Ma G.S. Shulai, Ma B.N. Lamare, Dr.R.R. Kharkongor Principal Thomas ki nongsikai wa kiwi.

Share this:
Share on Facebook0Tweet about this on TwitterGoogle+0
Advertisement ad1