15 49.0138 8.38624 1 1 4000 1 http://wyrta.com 300

Pynkupburom ka USTM ya ki khynnah wa pass bha ha ka SSLC

0 Comments

Jowai: U montri rangbah ka jylla, u Conrad K. Sangma ynne ka sngi da pynkup burom u ya ki khynnah wa pass bha ha ka exam Secondary School Leaving Certificate (SSLC) wa pynman da ka Meghalaya Board of School Education (MBoSE) ha ka yalang wa pynman da ka University of Science and Technology, Meghalaya (USTM) ha Shillong hei emlang u montri ka tnat puræ puthi, u Lahkmen Rymbui.

U Conrad hawa e i klam da ong u wa ki skurbah toh u em ki ka kaamram wow kyntu kynrong ya ka puræ puthi wa i thooh yutip bniah hei yakrehlang wa ka sorkar.

Da pynche u ya ki paidbah wa ka sorkar jylla thrang ko wow pynkylla ya ka rukom esikai hapoh jylla deiwa ong wa ka sorkar thrang ko wow wanrah noh ya ka Education Policy ya kawa da jan pynkrehkaam noh kattu.

Chooh chooh da ong u wa ka sorkar da krehlang ko wa kiwi ki thaw puræ khnang wa ki khynnah na ka jylla u ye ki u yakhun ha ki Indian Civil Service Examination deiwa pynrap leh wa i duna ki thaw esikai pynpliah dang duna ki wei emkaam wa ka sorkar u chimkhia ko yeini yow myntoi ki khynnah.

Da ekhublei u leh ya ka USTM kawa da wanrah ya kam kini ki rukom esikai wow wailaad ya ki khynnah ka jylla wa ka thaaiñ mihsngi waroh kawi.

Da ekhublei u ya ki khynnah kiwa da poi chakhmat ha ka exam SSLC deiwa e mynsien ya ki wow minot ki yow poi ki cha ka thong wa tyrchaaiñ.

Heijooh i por da ekhublei u ya ka USTM wa da sdang ko ya ka Entrepreneurship Research Centre, deiwa ong wa ki khynnah ka jylla daw ye ki u poi chaphrang.

Kiwi kiwa da e i klam ha kani ka sngi toh u montri rangbah warim ka jylla, u Dr. DD Lapang, u Chancellor ka USTM u Mahbubul Haque wa u Vice Chancellor ka USTM Prof. Alaka Sarma.

Advertisement ad1

Jop ka Puriang FC ya ka Rangdajied United FC h....

Previous

Maham ki paidbah ka 14 chnong wow lai cha High....

Next

0 Comments

Leave a Reply