15 49.0138 8.38624 1 1 4000 1 http://wyrta.com 300

Pynkut ka Wahlakhiat Bulls yei wym rem de ka Langsning Greenenergy Lions ha ka MBL

0 Comments
Advertisement ad1
Advertisement ad1

Shillong: Ka Wahlakhiat Bulls da pynkut ko yei wym rem de ka Langsning Greenergy Lions’ ha ka Meghalaya Baby League (MBL) 2018 deiwa jop ko ya ki le tylli ki yalehke na ki san tylli ki yaleh wa pynman ynnin ka sngi.

Ha ka yaleh wa nyngkong ka Inter-Conference ka MBL 2018 da pynman ya 25 tylli ki yalehke ha ki le tylli ki madan Polo hapyrdi ki 10 tylli ki dhab.

Advertisement ad1

Ha kani ka sngi da wan leh u montri ka Sports and Youth Affairs Minister, u Banteidor Lyngdoh, uwa da wan wow sakhi ya ki kattu katni ki yalehke.

Ka Greenergy Lions kawa em ha ka Western Conference kawa da man ki kam kiwa khlan dooh da yachem ko waka Wahlakhiat kawa em ha ka Eastern Conference.

Ki Bulls da jop ki ha ki le tylli ki kyrdan snem katwa ka Langsning won da jop ko ha ka kyrdan snem 10-11 wei da ya drawn ki mar chi kool ha ka kyrdan snem 12-13.

Waroh ki dhab ha kani ka sngi da jop ki chisien kawa man leh kawa sniawkmen ya waroh.

Ka ENE Falcons da jop ko soo na ki san tyll kiwa yakhun wa yahcem ko waka JNS Jaguars, heiwa ka Jaguars da jop ki chisien ha ka kyrdan 8-9 snem.

Ka Nongtrai Cheetahs da jop ki ha ka kyrdan 4-5 snem wa ha ka kyrdan 6-7 snem katwa ka Kickstart FCC Rhinos da jop ka le sien.

Ka Little Star Clouded Leopards da mut ko u jop ya waroh ki yalehke yong ka tangwa kawa pyrchah ya ka ka Sunnydale School Doves, da jop ko ha ki soo tylli ki yalehke tangwa ha kawa san ki Doves ha ka kyrdan 12-13 snem da jop ki da chi kool.

Hawa kut ka Nongthymmai GC Scorpions da jop ha ki kyrdan 4-5 snem wa ha ka 6-7 snem tangwa ka Mawlatbah SC Hawks won da jop ko ha ki le tylli ki yakhun.

Advertisement ad1
Advertisement ad1
Advertisement ad1
Advertisement ad1
Advertisement ad1

Toh u kynthup ya ki Khynriam, Pnar, Bhoi, War ....

Previous

Kyntu kiwa dai dakha naka sorkar wow pynkhlan ....

Next

0 Comments

Leave a Reply