15 49.0138 8.38624 1 1 4000 1 http://wyrta.com 300 0

Pynkylla ka Union Cabinet yei rukom pynkrehkaam ya u Aadhaar lyngba ka The Aadhaar and Other Laws (Amendment) Bill, 2019

0 Comments

New Delhi: Ka yachem ki montri ka sorkar pyrdi namo ka Union Cabinet Meeting wa pynman ynne ka sngi ha New Delhi wa khlieh da u Prime Minister ka ri u Narendra Modi da pynkylla ki ya ki kattu katni ki kyndon ka Aadhaar yow pyrchang pynsuk yaki paidbah deiwa mynjur wow pynkylla yaka “The Aadhaar and Other Laws (Amendment) Bill, 2019” yow wan ko heithaw ka “Aadhaar and Other Laws (Amendment) Ordinance, 2019”. Ki pynkylla man ko kamjooh wa kiwa da em haka Ordinance wada pynmih da u President ka ri haka 02-03-19. Wei ya kani ka Bill daw wanrah hakhmat ka Parliament.

Ki pynkylla wa em hapoh kani ka Bill man ki kamni ha wah:

Advertisement ad1
  • Ka UIDAI u embor chooh chooh ko wow kreh neibynta ki paidbah wei wow khang yei pynemkaam bakla ya u Aadhaar.
  • Lada lai bait kani ka Bill, ym ye u pynbor ya kiwon kiwon wow sai ya u Aadhaar Number yow pynsakhiat yei pyrtuid yong ki lait noh wa pynmih aiñ ka Parliament wow leh ya ini.
  • Daw chah wow pynemkaam ya u Aadhaar Number wow wai ya ki Bank Accounts, lada kwah ki bru u pynemkaam oo, ym toh deiwa pynbor kam hei wow pyndep ya ki KYC hapoh ka aiñ Telegraph Act, 1885 waka Prevention of Money Laundering Act, 2002.
  • Ya kiwa kwah u pynemkaam ya u Aadhaar Number ye ki wow rah daka Aadhaar Card kamjooh deiwa pynyoo yaka Electronic Form namo deiwa pynyoo ya oo ha ki Phone.
  • Ya ki khynnah wa em Aadhaar Number ye ki wow pyndam oo hadooh wa poi ki 18 snem.
  • Ka sorkar ye ko wow pynsakhiat ya u Aadhaar Number lada em kawon kawon ka ujor hapoh ki aiñ wa chna daka Parliament wei deiwa mynjur ki sorkar jylla waka sorkar pyrdi.
  • U pyndooh noh yaka Section 57 ka Aadhaar Act wow pynemkaam ya u Aadhaar da ki Company da ki bru samen.
  • Ym ye u pyndooh ya ki yoh myntoi ya kiwa ym ye u pynsakhiat ya u Aadhaar.
  • U sdang yaka Unique Identification Authority of India Fund.
  • U Pynchitom ya kiwa tynghkheiñ yaka aiñ Aadhaar Act.

Kam wow pynkynmoo wa yaka The Aadhaar and Other Laws (Amendment) Ordinance, 2019 toh kawa da chong pyrkhat ka Union Cabinet haka yalang wa yachem ki haka 28-02-19 wei yaka Ordinance won da pynbna da u President haka 02-03-19.

Yaka Aadhaar and Other Laws (Amendment) Ordinance, 2019 wa kiwi kiwa yatoh wow pynkhlan yaka Aadhaar Act da leh katkam ka hukum ka Supreme Court wa iwa tyrwa daka Committee wa da khlieh da u Justice B.N. Srikrishna (Retd).

Advertisement ad1
Advertisement ad1

0 Comments

Leave a Reply