15 49.0138 8.38624 1 1 4000 1 http://wyrta.com 300

Pynman esikai ka DBDU hajrong i rep coffee, u mar wa ye u yoh chiboon ka lap

0 Comments
Advertisement ad1
Advertisement ad1
Advertisement ad1

Jowai: Kam chibynta wow yahluti ya ki warep wa ki khynroo ka District wa kwah u seiñkhih da pynchlur wow sdang noh da i rep Coffee heiwa ka District Basin Development Unit, Jowai ynne ka sngi da pynman ko ya ka yalang pynsñiawthooh ha Conference Room DC’s office, Jowai.

U D.M. Wallang, Additional Deputy Commissioner cum Chairperson District Basin Development Unit, Jowai da pynchlur u wow sdang rep Coffee neibhah man ko kawa yoh nong da kiwa boon boon snem.

Da pynchlur u leh ya kiwa emlang ynne ka sngi wow wan ki cha khmat wow thap ya ki Application yow ye ka District Basin Development Unit wow krehlang waka Coffee Board yow ye ki u sdang ya ki thaw thung symbe nadooh u bnai nyngkong u snem wow wan.

Ya ka yutip wa bniah da pachat da u B P Marwein, Assistant Soil and Water Conservation Officer uwa da klam yei rukom man i khyndaw wa i em um ha ka la-ær ki artylli ki kyndon wa emkaam bha hawa rep Coffee kiwa tip kam Arabica wa Robusta. Waroh ar kini ki jait Coffee emkaam ki ya i por wa rap dait-thah wa iwa chit kiwa toh u em hapyrdi 15C hadooh 30C wa u slap wa wa 1600- 2500mm ya u Arabica Coffee wa 1000-2000mm wei ym ye u im ha u thah kamtæ da thung ya ki ha tre ki dieñ.

Da ong u leh wa waroh kini wa emkaam wow rep coffee da em ki cha i.

Ha kani ka sngi da em leh ki arngut kiwa rep Coffee kiwa da jop ha ki kaam yong ki, u Dr. D. Giri Nongkhlaw na Nongthymmai, Shillong u tre ka Smoky Falls Tribe Coffee wa u R. Sten na chnong Barato kiwa da khana ya ka luti wa lai ki.

Da pynkhreh bha ka Congress ya ki phang yaklam....

Previous

Beiñ ka JSU-JC yei chah kyrriah kaam u Vivek S....

Next

0 Comments

Leave a Reply