Advertisement ad1

Jwai: Chwa u sdang ia kani ka Food Fest u principal ka college u Dr. R.R. Kharkongor ha ka ialang da ong u wa ka NEHU da pynku ko cha ka 15 lak tyngka ia ka bai tipmit (affiliation fee) ia ki college wa em hapoh iong ka. Kamwa man kattæ ka Thomas Jones Synod College ym em u ioh kyrchan poisa ko neiwon neiwon leh. I wa khajiak wa jooh ioh na ka sorkar leh da dooh ko. Kam wa man kattæ ka college im ko na ka bai skur ki khynnah college. Kamtæ em i teiñsar ya boi dooh noh ka college i tipmit na ka NEHU lada ym ye u su ya ka bai tipmit heipor wa booh. Kani ka food fest man ko kawi na ki lad wa pyrchang ka college u pynmih ia kani ka poisa wa emkaam jhan bha.

Advertisement ad1

Ong chooh chooh u Dr. Kharkongor wa ka NEHU leh da phah ko ia ka college iow ioh accreditation næ ioh kyrdan naka National Assessment and Accreditation Council (NAAC). Ka NAAC da phah ko 14 tylli ki phang wa toh u pynbiang ka college kam ia ki thaw ialehke, ka computer lab, ka library, ki projector wei u pynbiang ia i emkaam ki bru duna tymbuiñ man rynyieñ wa kiwi kiwi.

U ma Andrew Chullai, MDC JHADC wa man kam u kongsan ha kani ka sngi da kular u wow iakrehlang wa kani ka college hei iatoh u pynmih poisa ioh ka college u poi cha ka thong.

Ki jhur im wa dai ha ka food fest

Ha kani ka food fest da pynkhreh bam da ki seiñ kynthai ka Balang Jwai, Khimusnaing, Mynthong, Thadlaboh, Mihmyntdu, Ialong, ka Nursing School ka Norman Tunnel Hospital wa kiwi kiwi. Ki baam wa da ioh ki bru u mad ha kani ka sngi toh i Jadoh, Puratha, Pani Puri, bam Chinese kamjooh leh em i dai ia ki jhoor im wa ia ki tiar pynemkaam yung.

Da em leh i sam certificate cha ki 39 ngut ki khynnah ka college da u W.G. Sungoh MDC JHADC, wa da e da ka Annual Status of Education Report 2014 (ASER) cha ki khynnah ka college ki wa em bynta ha i li sylli. Ia ini i sylli takit hapoh Jaintia Hills da leh da ki khynnah puræ ka Thomas Jones College heiwa da lai ki cha ki 30 tylli ki chnong yow iachem wa ki khynnah wa puræ ha ki lower primary wa ki upper primary school. Ia kani ka kaiphod da pynmih ia ka hei dur iong ka kot (education report) ha ka 11th January 2015, ha New Delhi.

Ki khynnah ka college wa ioh certificate na ka ASER

Share this:
Share on Facebook0Tweet about this on TwitterGoogle+0
Advertisement ad1