15 49.0138 8.38624 1 1 4000 1 http://wyrta.com 300

Pynman ka MESA ya ka yachemlang ki Engineer ha ri-loom Jaiñtia

0 Comments
Advertisement ad1
Advertisement ad1

Jowai: Ka seiñ ki Engineer hapoh ka jylla wa haap hapoh ka satri Meghalaya Engineering Services Association (MESA) ynnin ka Sngi Choh-that da pynman ki ya ka yachemlang kawa 15 hajrong ka phang “Development Vis-A-Vis Constraints” næ i roi i paar hanlada em i eh i khoo, wei ya kani ka yachemlang da pynman ha Orchid Inn, Thadlaskein.

Hawa e ya ki kyntien lamphrang u Er.M.Nongpluh E.E. PWD da ong u wa ka phang yong uni u snem yahaap bha ko wa i lai ki kaam haka imlang sahlang ha kini ki sngi, neibhah hawa yaklam chaphang i roi i paar kynthup ki ya i chna sarok, yingkieñ, ki yung, ki Dam, wa kiwi kiwi wa da leh da ki Engineer nadooh nachwa hadooh kiwa katni.

Advertisement ad1
Advertisement ad1
Advertisement ad1

Heiyatoh wa i eh i khoo da ong u wa kam ki Engineer maad ki heiyatoh wa i lut i sep neibhah em ki por wa ka sorkar leh ym em poisa ko kawa biang wow su cha ki contractor wei ini ktah ko wow pyndep ya ki project, teiñ teiñ ki contractor wa kreh ym em poisa ki wow pynlut ya ka project iwa pynslem wow pyndep ya ki scheme.

Iwi i eh i khoo ha kiwa kreh Engineer toh i rukom miat namo ka quality, namo iwon iwon i man i long kawon kawon i kreh kamtæ ka thong wa hakhmat toh wa ymhoi u man ki kiwa da chna khalær, kamtæ emkaan wow lai bichaar bniah heipor wa pynkreh ya ki wow pait ya ki tiar wa pynemkaam man ki kiwa miat wa bha neibhah ki contractor du wow myntoi ym swe ki wow pynemkaam da ki tiar ki wym miat.

U Er. P. Marweiñ Secretary ka sorkar jylla wa pait ya ka Public Work Department da ong u wa iwi iwa pynyoosuk ya kawon kawon ka ri chong i ha kti ki Engineer, hanlada man ki kiwa khia kaam ymtoh u sñiawphær ki neibhah kreh ki neibynta ki paidbah, hanlada ymyoh yei kyrkhu mar khmat leh tangwa i kyrkhu wa yoh toh lyngba i chakri ya ki paidbah lyngba ki luti syngkieñ, ki skur wa kiwi kiwi.

Neiliang u Wailadmiki Shylla, MLA 2-Jowai da yaroh u ya ki Engineer ha ka jylla neibhah hanla em chiboon i eh i khoo tangwa ye ki wow pyndep yei kaamram yong ki, kamtæ kyrmen u wow lai ki chaphrang ha ki kaam wa bha yong ki wei wow yakrehlang chirup wa ka sorkar neibynta ka jylla waroh kawi.

U Comingone Ymbon uwa man u montri wa pait ya ka tnat PWD Building da ong u neibynta wow wanrah ya i roi i paar lyngba chiboon ki kreh, ki scheme, i krehchitom hapyrdi wa boon ki eh i khoo ye wow wanrah ya ki kaam pynroi.

Kiwi kiwa da klam kynthup ki ya u Er. D.Mawroh, President MESA uwa man leh u dkhot ka Organising Committee Jaiñtia Council, u Er. C. Debnath Chairman, INDEF, Er. R.Lytan, Superintending Engineer Jowai Circle uwa man leh u Chairman ka Local Organising Committee wa kiwi kiwi.

Hadooh T. 5 lak u pynkhle ka Dorbar Chnong Rym....

Previous

Em bait i kajia ha waroh ki seiñ saiñ pyrthai ....

Next

0 Comments

Leave a Reply