15 49.0138 8.38624 1 1 4000 1 http://wyrta.com 300 0

Pynman yakhih kiwa puræ wa kiwa sikai ka NEHU pyrchah ya ka CAB

0 Comments

Shillong: Kiwa puræ kamjooh kiwa sikai ka North Eastern Hill University (NEHU) ynne ka sngi da wanlang ki wow pynyoo yei pyrchah ya ka Citizenship (Amendment) Bill, 2016 deiwa pynman ya ka Rally hapoh u pood u ang kani ka skurbah.

Ya ka Rally da pynman hapoh ka phang “Save North East Today, to Save India Tomorrow” kawa da pynman da ka Joint Action Committee (JAC) wa yah khmat da ka North Eastern Hill University Students’ Union (NEHUSU) waka North Eastern Hill University Teachers’ Association (NEHUTA).

Advertisement ad1

Da kyrchaan leh da ka Khasi Students’ Union – NEHU Unit, All Assam Students’ Union (AASU) wa kiwi ki seiñ kiwa dang puræ.

Neiliang ka JAC da pyndam ko ya ka yalang chong kylleiñ myngor wa da poh por wow pynman mynstep ka 14 tarik hadien wa ya ka CAB ym em ye u wanrah ya ka ha ka dorbar Rajya Sabha.

Uwa e buit ka NEHUSU, u Rangdajied Marwein da ong u wa ka yakhih daw poi ko cha pyllat u pood u ang ka NEHU lada ka sorkar NDA khein kor ko ya ki baar ri bar ya ki tre ri tre khyndaw.

Da ong u leh wa ka sorkar NDA toh u pyrkhat ko ya kiwa boon kiwa dooh wa duk kiwa em hapoh ka ri chwa wow kdung ko ya kiwa na ri Pakistan, Afghanistan wa Bangladesh.

Chooh chooh da ong u wa hap pyrkhat ya i hok ki bru ri-loom kiwa da chah ktah chwa naka aiñ Armed Forces Special Powers’ Act (AFSPA).

Neiliang u President ka NEHUTA u Prof. XP Mao da ong u wa ka Joint Action Committee daw paan yarap ko na ki Central Universities kiwa em hapoh ka thaaiñ mihsngi yow yeiñ lang ki wow pyrchah ya ka CAB.

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply