15 49.0138 8.38624 1 1 4000 1 http://wyrta.com 300

Pynmih ki bru samen ya ka ka “Citizens’ report on coal mining in Meghalaya” wow khang yei tih mooyong

0 Comments
Advertisement ad1
Advertisement ad1
Advertisement ad1

Shillong: Ki kattu katni ngut ki bru samen ynnin ka sngi da pynlait ki ya ka “Citizens’ report on coal mining in Meghalaya” wei ya kani ka Report da e leh cha ka Supreme Court wow yaleh yow khang yei tih mooyong hapoh ka jylla.

Ya kani ka Citizen’s Report da pynlait ha yung ka Agnes Khasrshiing hei emlang ka Amita Sangma, Angela Rangad, Patricia Mukhim, Michael N. Syiem wa kiwi kiwi.

Advertisement ad1
Advertisement ad1
Advertisement ad1

Kani ka Report wa katni toh ka thup wa 2 namo ka Volume 2 wei ya ka thup wa nyngkong da pynmih ha ka 01-12-18 kawa e pyrtuid “Curse of unregulated coal mining in Meghalaya – Vol 1: How Unregulated & Illegal Coal Mining in Meghalaya is Destroying Environment and Dispossessing Tribal People of their Land and Livelihood” kawa da dep e kti cha ka Supreme Court.

Ka Angela Rangad da pyntip ko wa iwa em hapoh kani ka Report toh kiwa chem lyngba ka RTI, ki Reports ka Comptroller Auditor General of India, ki Research Papers, ki Affidavits kamjooh ki khubor wa mih.

“Kiwa yoh myntoi na kani ka khih mooyong toh du ya ki kattu katni kiwa mahajon wei i ktah ko ya ka rymaw khamtam ki wah ym toh wa ye u len wei joor leh i knieh thaw kiwa yong ka chnong. Ym du ini ka khih mooyong da warah ya kiwa boon ki kaam pyrchah aiñ wei da mih leh ki Mafia kiwa emkti hei tooh thaw yong kiwi ki bru wei ini waroh ym em pynyoh myntoi ko ya kiwa dooh wa duk.”

Ka Rangad da ong ko leh wa hadien i khang ka NGT wow tih mooyong da chem wa u mooyong wa da dep tih em u 65 lak, 81 hajar,147 metric tons, tangwa ki tre mooyong won da kam ki wa u mooyong em u 120 lak, 94 hajar, 634 metric ton.

“U mooyong wa da dep tih ym lut u nadooh wa khang ka NGT iwa pynyoo wa i tih mooyong dang pteiñ hi wei ka Committee ka NGT leh chem hi ki ya ini.” Da ong ka Rangad.

Ka Rangad da ong ko leh wa ya ka kuna wa T. 100 klur wa e da ka NGT ya ka sorkar Meghalaya ym toh u sai na ka naka poisa wa da booh yow pynbha pynim ya ka rymaw wei hap u su da kiwa tyngkheiñ ya ka aiñ.

Da pyntip ko leh wa katkam wa chem ka Report ha ki thaw wa tih mooyong ha ri-loom Jaiñtia ha ka chi Square Kilometer em 52 tylli ki krem mooyong wei da antad wa waroh em ki 24,626 tylli ha Jaiñtia Hills.

Share this...
Share on Facebook
Facebook
Tweet about this on Twitter
Twitter
Advertisement ad1

Da pynkut ya ka lehkmen dap 40 snem ka SSKBJ w....

Previous

Pyrchah ka JSU wa ka SEPSD ya ki truck kit moo....

Next

0 Comments

Leave a Reply