Advertisement ad1

Shillong: U Superintendent of Police, East Khasi Hills District, Shillong hapoh ka kyndon 101 ka aiñ Meghalaya Police Act, 2010 da pynmih u ya ka hukum wow kdaw yei rukum krehkaam ki Hotel, Guest House wa ki Resort wa em hapoh East Khasi Hills District.

Da pyntip wa ki tre namo kiwa pyllai ya kini ki thaw toh u bahkhlieh ki wa waroh kiwa kreh ki wei ymtoh u emkti ki ha ki kaam tyngkheiñ aiñ wei ya i dur yong ki kamjooh waroh chaphang yong ki toh u phah ki cha ki pulit.

Advertisement ad1

Kamjooh leh ya kiwa wan sah haap phah yei pyrtuid ki, i chnong yong ki wa kiwi kiwi cha ki pulit man ka sngi.

Hei yatoh wa ki CCTV won haap pyntip cha ki pulit man ka sngi wa krehkaam ki namo ym em, wei haap pyntip leh lada dang phah chna ki. Ki Video wa riñ ki CCTV man u bnia haap chna CD ki wei li e cha ki pulit.

Waroh kiwa wan sah haap chondur ki wei wow phah ya ki dur cha ki pulit man ka sngi wei kiwa ymbiang ya ki kot ki sla ymtoh u e thaw sah ya ki.

Waroh ki wakreh haap deiñ ki ya ki ID yong ki wei emkaam leh u booh ya Private Security Personnel ki wow sonteri ya ka thaw sah.

Ym chah leh u dai kiad lada ym em Bar License, emkaam u man ki thaw sah wa khooid wei toh u booh ya ki thaw wa hoi u dih sikret wa ki thaw wym hoi u dih sikret.

Ymtoh u chah u sah ki khynnah ha ki Hotel khlem yoh bor na ki pulit. Ki khynnah toh katkam wa da batai ka aiñ Juvenile Justice (Care and Protection of Children) Act.

Ym chah leh u leh ya ki kaam wa pyrchah aiñ hei yatoh wa ki khynnah katkam wa da booh ha ki aiñ POCSO/Immoral Traffic (Prevention) Act wa kiwi hapoh ki Hotel, Guest House wa ki Resort wei ym chah u sah slem ki bru kamwa sah wai ha kini ki thaw.

Kiwa tyngkheiñ ya ini daw ye ki u chah kem wei daw li rah ha khmat ka yung bichaar wei daw toh kuna ki T. 5000 katkam ka Section 102 ka Meghalaya Police Act, 2010.

Kani ka hukum u krehkaam ko nadooh wa pynmih ya ka.

Share this:
Share on Facebook0Tweet about this on TwitterGoogle+0
Advertisement ad1
Advertisement ad1