Advertisement ad1

Jowai: Ka Jaiñtia Students’ Movement (JSM) Seiñbei ha ka 17 tarik da pynkha ko sa kawi ka tnat krehkaam yong ka wa tip kam ka JSM Southern Region.

Advertisement ad1

Ha katai ka sngi ya ka yalang da pyllai da u Publicity Secretary ka seiñ u Skhembhalang Dkhar, wei da yoh leh yei klam na u Jantis Dkhar uwa man kam u President ka Southern Region wa kiwi kiwi de ki dkhot ka seiñ.

Neiliang u Vice President ka Seiñbei u Edi Lamare wa na u President ka Seiñ JSM u Leningstar Rymbai da kyntu ki ya kani ka Southern Region wa thymme wow pyrkhat nyngkong ya kiwa dooh wa duk hapoh ka thaiñ wei wow chlur ki neibynta ka jaitbru wei wow tieñ ki ya u Blai yow sniawthooh i kammon wow chakri ya ka jait bru.

Ki dkhot yong kani ka tnat wa da pynskem kam u President toh u Jantis Dkhar, Vice President Tyrshain Siangshai, Secretary Samson Phawa, Asst Secretary Readingson Lyngdoh, Publicity Secretary Phanal Siangshai, Financial Secretary Chedrak Siangshai, Sports Secretary Leyas Phawa, Cultural Secretary Pyrkhat Rymbai.

Da pynpsiah leh ya 30 ngut ki dkhot wa 10 ngut ki dkhot kiwa daw bichaar chwa ya ki chwa wow yoh ki u kshoh kaam hapoh ka Southern Region.

Share this:
Share on Facebook0Tweet about this on TwitterGoogle+0
Advertisement ad1