Advertisement ad1

Shillong: Ka Elaka Sutnga da pynsñiaw ko yei wym sñiaw yahap ko ya i rukom thung Acting Dolloi ka Jaiñtia Hills Autonomous District Council (JHADC) ya u Patric Pala iwa leh khlem lai katkam ka riti dustur kamwa jooh leh ha ka Elaka kawa em hadooh kamwa 32 tylli ki chnong.

Kiwa kitkaam yong ka Elaka ynne ka sngi, wa kynthup ya secretary u Kmenlok Pala da ong u wa ka Elaka da kyrpaad ki ya u Chief Executive Member (CEM) u Thombor Shiwat wow pynbait sngi wow yachem wa kiwa kitkam ka Elaka hajrong kani ka kaam tangwa hadooh kini ki sngi leh ym pu yoh jubab na u CEM.

2ndpara desktop
Advertisement ad1

U D.L. Rymbai u dkhot ka Elaka, da ong u wa ka Elaka ym pyrchah ko yei thung Dolloi wa chipor ya u Patric Pala tangwa i pyrchah toh ha ka yurim wa ka JHADC ym em lai ko katkam ki kyndon ha ka rukom thung ya u Dolloi kawa man pyrchah ya ka riti dustur.

Da ong u wa heipor nachwa, wow jied ya u Doloi, da khut dorbar da ka Elaka wei neiliang ka JHADC ka u wan ko yow bichaar tangwa ha kani ka ka kynti won ym em leh kmtæ wei da thung ya u Dolloi wa chipor khlem pyntip yaklam chwa wa ka Elaka.

Da pynche leh yei pynbaad u Patric Pala wa kiwa kitkaam ka Elaka Sutnga wa phah soi yabor ki padibah ya ki kot ki sla wow phah cha ka KHADC neibhah ha ka dorbar kawa pynman ha Sutnga kiwa soi pyrtuid da leh ki deimon sñiawbha yong ki.

U Rymbai da pyntip u wa ka Elaka ujor kylla ko ha ka 27 tarik uni u bnai pyrchah ya ki ujor u Patric Pala ha ka 23 wa 25 tarik uni u bnai wei ki pulit dang pynman ki ya ka takit.

Katkam ka ujor FIR u Patric Pala (Acting Dolloi ka Elaka Sutnga) da ong u wa u Kmen Pala wa u Seibor Shadap wa kam wa ki toh ki dkhot ka Dorbar ka Elaka Sutnga da saam chithi ki cha kiwa boon ki Karkhana Pynmih Khyndawbilat wei da ong ki wa waroh ki kaam ka Elaka Sutnga toh u lai ki lyngba yong ki. Da kam u leh wa da pynman dorbar ki khlem yohbor na oo wei da daiñ kuna ki ya kiwa chong chnong ka Tangnub, EJH T. 1 Lak samen hei pyrtuid ka Elaka.

Share this:
Share on Facebook0Tweet about this on TwitterGoogle+0
Advertisement ad1