15 49.0138 8.38624 1 1 4000 1 http://wyrta.com 300

Pyrchah ka HYC wa thung kreh ka tnat Tourism ya kiwa da chong ngiah

0 Comments
Advertisement ad1
Advertisement ad1

Shillong: Ka Hynniewtrep Youths’ Council (HYC) lyngba ka Employement Cell da pynsñiaw ko yei pyrchah joor ya i thung kreh ka tnat Tourism da ki bru wa da chong ngiah.

“Ka seiñ pyrchah joor ko ya ini i leh kani ka tnat, wei u chimkhia i wa kam ini i rukom thung kreh ym pynthut i ya ki khynnah thooh kreh,” da ong u Chairman ka Employment Cell ka HYC, u Rhembor Saibon.

Advertisement ad1

Da ong u wa ka seiñ pyrchah joor ko ya i rukom thung kreh kani ka tnat iwa khanglaad ya ki khynroo khyllood kiwa thooh khih thooh kreh kiwa da pass ha ki kyrdan waphær waphær.

“Toh u pynkut ya ini i rukom thung kreh ha waroh ki tnat sorkar,” da ong u Rhembor.

Da ong u wa da jooh em i pynku kyrdan wa i khut ya kiwa kreh thymme ymtoh wow thung da kiwa da chong ngiah deiwa ong wa ka sorkar ymtoh ka yong uwo uwon u bru wei ymtoh wow jia de kamni neini chakhmat.

Katkam wa ong u Saibon, ha ka tnat Tourism ya ka kaam GM (Pers) da thung ya u PB Dutta uwa da chong ngiah na ka yung krehkaam Accountant General, ka kaam GM (F) da thung ya u Bishnu Mazumdar uwa da chong ngiah na ka yung krehkaam u Accountant General nadooh u snem 2006-07, ya ka kaam chet da thung ya u RC Das, uw da chong ngiah kam u Chef na Pinewood Hotel, ya ka kaam Consultant (Contract Basis) da thung da u Vivek Roy uwa da chong ngiah kam u Manager Accounts ha Orchid Lake Resort da thung ya u Lucas Sunar, uwa da chong ngiah hi.

U Saibon da ong u wa i rukom thung kreh da ka MTDC toh iwa da boon snem kattu, wei ye u man neibynta i myntoi yong ki yi ki yi.

“Wot ya ka kaam wa thung chipor (Contract basis) da leh tooh ha kani ka tnat, deiwa ong wa ka seiñ ym suki ki,” da ong u Rhembor.

Chah kem uwi u chipai BSF uwa thmu wow thombor....

Previous

Hukum u DC ka WGH wow booh ya ki thaw yoh um k....

Next

0 Comments

Leave a Reply