15 49.0138 8.38624 1 1 4000 1 http://wyrta.com 300 0

Pyrchah ka JTTA yei wan ka dukan V Mart ha Jowai

3 Comments

Jowai: Ka seiñ Jaiñtia Tribal Trader’s Association (JTTA) ka seiñ kiwa khayi hapoh ri-loom Jaiñtia da pynsñiaw ki yei sñiawkhia hadooh kattæ kattæ wa daw em ki dukan ki wow wan heidur yong ki Company kawa da tip kam ka V Mart ka wow wai noh ha Jowai.

Ka seiñ da ong ko wa na ki por cha ki por da jooh kyrpaad ko ya ki dong ki chnong khamtam kiwa em hapoh Jowai wa ym hoi de u pyllait namo u e No Objection Certificate (NOC) lyngba ki kotkhubor kamjooh da e dei thoh cha ki kattu katni ki dong wei da jooh kyrpaad leh ya ka JHADC wow sangeh wow e Trading License wei neiliang ka Council da kular ko wow sangeh noh wow e License yong ka ha Jowai nadooh u snem 2014 lyngba ka hukum wa pynmih ha ka 16-10-2014 katwa cha baar ka Jowai daw pait ko yei rukom khayi yong ki.

Ynne ka sngi ka JTTA da yachem ko wa u CEM ka JHADC neibynta wa mih ini i dukan yow yoh yei pynche wei neiliang yong oo da kular u wow pynman da ka takit ha ki sahep wa toh wow pait ya ini i kaam.

Ka seiñ da booh ko leh wow yachem wa oo ha ka sngi wa bood.

Ka seiñ da pyrchah joor ko hadooh kattæ kattæ wa ym hoi u em kam kini ki jait dukan wei da pyrchah joor ko leh yei e NOC ki dong ki chnong heijooh i por leh lada ka Council dang em ki License wa e ko hadien u snem wa da kular ko wow dam, ka seiñ ym chong kli kti ko.

Advertisement ad1

3 Comments

  • October 23, 2018 at 4:29 pm
    Mike

    Pynki khun ki wa hayyng yong ka Jtta hi wow lai thied neini na v mart

    Reply
  • November 18, 2018 at 4:44 am
    Mojoe

    Nga leh sniaw tooh bha itea wa ong uni u lok.

    Reply
  • December 5, 2018 at 12:17 pm
    Gobarsil Shadap

    Bun kiwa ioh kreh ha V- Mart te krum wn pynawri.

    Reply

Leave a Reply