15 49.0138 8.38624 1 1 4000 1 http://wyrta.com 300 0

Pyrchah ka KSU-JHDU yei em ar tylli ki Toll Gate wa khrong poisa naki paidbah ha ri-loom Jaiñtia

0 Comments
Advertisement ad1

Jowai: Ka Khasi Students’ Union-Jaiñtia Hills District Unit ynne ka 14 tarik hapoh i yakhmat u Ohibait Dkhar President, u KS Suchiang President KSU Narpuh Circle wa u Deibormi Dkhar General Secretary KSU Narpuh, da lai yachem ki wa u Additional Deputy Commissioner ka EJHD u SS Syiemlieh MCS wow ujor ha oo hajrong i khrong poisa pyrchah aiñ ki ar tylli ki Toll Gate ka wi kawa em ha Lumshnong East Jaiñtia Hills wa sa kawi wa em ha Pasyih 7 Mer West Jaiñtia Hills.

Ha kani ka yachem, ka seiñ lyngba dei thoh da pynsñiaw ki yei pyrchah ya ini i khrong poisa kini ki ar tylli ki Toll Gate ya ki kari kamai, kari samen ya kini ki thaaiñ khlem map ya kiwon kiwon.

Ka seiñ da yoh ujor ko na ki paradoh para snam yong kini ki thaaiñ yeiwa thut ka lai ka wan yong ki haka kamai ka kajih neidaw wa joor sahkut ki kari manda poi ha kini ki thaw.

Ka seiñ da ong ko wa da yoo ko yei buit ka NHAI kawa thung bru wow khrong poisa pyn da ki bru yong i hi. Kamtæ ka seiñ ka pyrchah joor ko ya ini i leh wow khrong dan na ki tre ri tre thaw kani ka thaaiñ.

Chooh chooh ka seiñ da ong ko wa ym e laad wow leh kamni ya ki kari ki tre chnong wei i wym bien u su ym toh wa ym em poisa tangwa pynyoo ko wa i ym toh ki mroo haka ri yong i hi wow elaad ya ki mynder wow khrong dan ki.

Da e nongmuna leh ya iwa jia ha Assam, wa waroh ki Toll Gate kiwa da dep pynyieñ ym yoh laad ki wow khrong neibhah ki paidbah pyrchah ki.

Lada i hap i wow su mut wa ym emkaam de wow jied mihkhmat MDC, MLA næ MP, neibhah ha i por Election ki pynbna ki yaka roi ka paar, u sarok, ki luti syngkieñ kamtæ ter ter.

Hawa yoh ka seiñ wow yaklam wa u Syiemlieh, oo leh da pynsñiaw u yei sñiawphylla wa em ar tylli ki Toll Gate du hapoh ri-loom Jaiñtia wei i chna ya u sarok toh du wow pynchna ya iwa sih wei ym em i tæ i pynheh.

Da ong u leh kammon ka wi ka kari u hap ko wow su ha waroh ar tylli ki Toll Gate kawa ym ye u man.

Neiliang yong oo da kular u wow chimkhia wow thoh cha ka NHAI yow tip ya i daw.

Ka seiñ da pynsñiaw ko ya i burom ya ki bor synchaar District wa lai ki lynga yong ki wei daw yachem ko leh wa u Project Director National Highway Authority of India, PIU- Shillong wow dawa sangeh i khrong dan na ki kari kamai kamjooh ki kari samen kani ka thaaiñ.

Ini toh katkam wa pyntip u Laitphar Syngkrem, Publicity Secretary KSU-JHDU. 

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply