15 49.0138 8.38624 1 1 4000 1 http://wyrta.com 300

Pyrchah ki Lumshnong ya i thmu ka Star Cement wow sdang sa ka wi ka paar tih moochuni

1 Comment

Jowai: Kiwa chong chnong ka Lumshnong, East Jaiñtia Hills da thoh ki cha u Member Secretary ka Meghalaya State Pollution Control Board (MSPCB) yow pynsñiaw yei pyrchah yong ki yei thmu ka Star Cement Meghalaya Ltd. wow pynheh ya ka thaw tih moochuni ko naka 9 Lak TPA cha ka 25 Lak TPA iwa mut wow pynku yei pynmih moochuni na ka 9 Lak ton chi snem cha ka 25 lak ton chi snem.

Kiwa chong chnong ha ka chithi wa da soi kamwa 60 tam ngut da ong ki wa i em ki karkhana pynmih khyndaw-bilat kamjooh i tih mooyong heiwa ha ka thaw wa heh 5 Sq/Km da em 5 tylli ki karkhana pynmih khyndaw-bilat da ktah bha ko ya ka rymaw.

Advertisement ad1

Da ong wa ini i em kini ki karkhana da tynyap ko ya ka wah Lukha kawa kylla rong bneiñ man i por tlang kawa ktah ya i chait i khiah ym du ya ki bru kamjooh leh ya ki mrad khloo.

Heiyatoh won wa i rukom tih moochuni, da ong wa katni i thaw wa tih ki heh i 70 Hectare kawa pynmih ki 9 Lak TPA wei i rukom tih toh dei wym sumaar ya i bynta i khyndaw wa man sboh (Top Soil) wei da noh roi ya ki. Ki um ki wah wa lai na ini i thaw tih waroh da wiar ki du nei pynpdung bom iwa man leh iwa ood bha wa i sma wa joor bha.

I bor pdung da wanrah ko leh yei mih i kaad ki chram yung iwa pynyoo yei leh khaler khlem kitkhlieh ki heh kini ki karkhana.

Ka thaw thymme wa heh 70 Hectare wa ka Star Cement thmu ko wow tih moochuni toh kawa em kamwa 150 Meter cha liang sepsngi ka chnong Lumshnong wei ini toh iwa em boon ki umdih wa pynemkaam ka chnong wei kiwa chong chnong da ong ki wa lada e sa kani ka thaw wow tih moochuni ka Star Cement daw ktah joor ko ya ka rymaw, ka um-baam um-dih, daw mih ki pum pum iwa ktah ya ka la-ær wa riñ mynsien ki bru wei i pynpdung bom daw pynkhlot ko ya ki paidbah wei khaddooh kani ka thaw daw wiar lut ki dieñ iwa daw ktah yei rukom hiar u slap iwa daw ktah kylla ya kiwa boon hi kiwa chong chnong kiwa chaniah ha ka rep ka riang.

Ya kani ka jooh ka chithi da phah cha u Chief Conservator of Forest, Ministry of Environment, Govt. of India, cha ka JHADC wa kiwi kiwi de.

Wiar uwi u manpa nadooh ka 7 tarik

Previous

Da pyllait ya u khoo wa i phniang charak ha Am....

Next

1 Comment

  • March 9, 2018 at 5:35 pm
    Teibok

    Sniawkmen wa da em kam kini ki nongchong chnong kiwa em jingkitkhlieh wow iada ia ka bei ramaw. E wa ini i jingthmu wa bha wym hoi u kut ki du chibet por don hi.

    Reply

Leave a Reply