15 49.0138 8.38624 1 1 4000 1 http://wyrta.com 300

Pyrchah ki paidbah yei thmu wow kyrriah ya ka Block na Wapung deiwa dawa wow pynmih sa kawi ha Lumshnong

0 Comments
Advertisement ad1
Advertisement ad1

Khliehriat: Ynne ka sngi ki bor district ka East Jaiñtia Hills da pynman ki ya ka Public Hearing ha Wapung Secondary School heiyatoh wa i thmu wow kyrriah ya ka Wapung C&RD Block na Wapung cha Lumchnong.

Ha kani ka Public Hearing u Deputy Commissioner, East Jaiñtia Hills District, u F.M. Dopth, da man u kam u chongknor wei da emlang leh ki Magistrate ka district, ki muktiar, ki waheh wa sian ki chnong kamjooh ki waheh chnong wa em hapoh ka Wapung C&RD Block.

Advertisement ad1
Advertisement ad1

U DC ha ki ktien waiphang yong oo da ong u wa kani ka Public Hearing toh kawa da pynman yow ap ya iwa kwah ki paidbah u pynsñiaw cha ka sorkar hadien wa da chah kyrriah ka Wapung C&RD Block cha Lumshnong lyngba ka Notification No.129/2014/64, January 09th, 2018.

Hadien ini, u DC da ong u wa kiwa kwah u chimbynta toh u klam ki du iwa yatoh wa i chah kyrriah ka Block wei wow pynsakhiat yei waroh i kam ki wa yatoh wa i chah ktah lada kyrriah ya kani ka Block.

Ki waheh chnong kiwa em hapoh ka kani ka Block da jied ki khynde ngut ki bru wow klam wa kynthup ya u Justine Dkhar, Ex-MLA wa ki ar ngut ki MDC u Phasmon Dkhar wa u Lasky Rymbai, u M.H. Dkhar u President ka AJYWO wa kiwi ki waheh chnong kiwa da pynsñiaw ki yeiwa pyrchah yei kyrriah ya ka Block cha Lumshnong.

Waroh kiwa klam da pynsñiaw ki yei wym sñiawsuk yeiwa leh ka sorkar kawa da chetkylla ya ki paidbah ka 6-Khliehriat Assembly Constituency du neidaw ki kaam Politics wa i myntoi samen. Da ong ki leh wa yeiwa da em iwa da thrang ki paidbah kammon won wow chim yabor na kti ki paidbah kamtæ da kyntu ki ya ka sorkar wow pyndam noh ya ka hukum wow kyrriah ya ka Block cha Lumchnong wei wow pynneh ya ka ha i jooh hi i thaw ha Wapung.

Heijooh i por da pynsñiaw ki yei sniawthooh yei chitom wa chem ki bru wa sah cha ki thaaiñ khappood wei da kyrpad naka sorkar wow chna leh sa ka wi ka C&RD Block neibynta ka thaaiñ Lumshnong yow yoh myntoi ki paidbah.

Ka Public Hearing da man ko kawa laibait wei ym em mih iwon iwon i awri awra wei hawa kut u DC da phah u ya kiwa embynta wow e dei thoh yeiwa da klam ha ka Public Hearing yow yoh u e cha ka sorkar katkam wa da booh por.

Photo Credit: D. Paul Lamare.

Advertisement ad1

Ka Shillong kawi na ki sor wow yoh sarok thymm....

Previous

Kyntu ka HANM-EJHD ya u MB Rymbai wow pynmih y....

Next

0 Comments

Leave a Reply