15 49.0138 8.38624 1 1 4000 1 http://wyrta.com 300

Pyrchah u Erwin Sutnga yei thmu wow ekti ha ka MMDC wow tih mooyong

0 Comments

Shillong: U muktiar u Erwin Syiem Sutnga, da ong u wa i thmu ka sorkar wow pynkrehkaam da ka Meghalaya Mineral Development Corporation (MMDC) wow tih mooyong man ko kawa pyndooh syndon ya i hok mantre ya ki khyndaw ki tre ri.

Ha ka khubor wa pyllait u Sutnga da ong u wa u Montri Rangbah ka jylla u Dr. Mukul Sangma ym em yoh u ya ka yumut wa biang na ki muktiar wa tip ya ka aiñ.

“Nga kyrpaad O ya oo wow puræ u ya ka rai ka Supreme Court hajrong ka mukotduma yong u Threesiamma Jacob heiwa i hok da pynskem ym du ha sla kamjooh leh kiwa hapoh khyndaw,” da ong u Erwin.

Da ong u leh heijooh i por, ki tre thaw dang haap ki ha ka yungbichaar ka Supreme Court kawa dang sahteiñ wa da booh ka Hima Nongstoin kawa mih na ka hukum ka NGT.

I thmu wow ekti cha ka MMDC wow tih ya u mooyong daw wanrah ya i yatyngkhuh wa ka Sixth Schedule wei daw wai laad leh wow tih Uranium ha ka jylla.

Ka luti wa biang dooh toh wow paan yow pynkrehkaam ya ka Para 12 A (b) wa ym ye u wanrah ya ki aiñ ka sorkar India khlem da pynkylla ki wym yahap waka jylla yong i, da ong u Sutnga.

 

Pyrchah ka BJYM yei thmu ka sorkar wow ekti wo....

Previous

Beiñ ka CSWO ya ka bor chnong Umkadhor wa muhr....

Next

0 Comments

Leave a Reply