15 49.0138 8.38624 1 1 4000 1 http://wyrta.com 300

Pythymme ka JSU – Shillong Circle ya kiwa kitkaam yong ka

0 Comments

Jowai: Ka Jaiñtia Students’  Union – Shillong Circle ynnin ka sngi da pynthymme ko ya kiwa kitkaam yong ka ha ka yalang wa da pynlai da u Yoosar Kynjing uwa man kam u Organising Secretary ka JSU Seiñbei.

Ha kani ka sngi da yoh yei klam na u Wanbun Dkhar uwa man kam u Vice President ka JYF uwa da kyntu ya kiwa kitkaam wa thymme wow ksoh ki ya ka burom ka akor kam kiwa yahkhmat ka seiñ.

U President ka JSU Seiñbei, u Lawyerson War uwa da pynkynmoo ya ki dak kjat warim yong ka seiñ wow kreh chitom ki neibynta wow yada ya ka ri-loom Jaiñtia, da kyntu u ya kiwa kitkaam ka Shillong Circle wow yatylli khnang wow ye u leh ya iwon iwon i kaam ha ka luti wa lai ki.

Ki dkhot wa thymme kiwa kitkaam neibynta u snem 2018-21 man ki kamni ha wah:

President: Treiborlang R Suchen.

Vice President: Mardikordor Pohchen

General Secretary: Request Pakma

Asst. Secretary: Ripple Buam

Finance Secretary: Dewan C Bareh

Organising Secretary: Iarap Biam

Asst. Organising Secretary: Fullmoon Pamthied

Publicity Secretary: Tiphimi M Rymabai

Socio Cultural: Frankie Myrchiang

Education Secretary: Eddy Kery Pohtam

Sports Secretary: Dapmain Dkhar

Office Secretary: Lumlang Pohti

Disciplinary Secretary: Remedius pohchen

U Treiborlang R Suchen, hawa e i klam e khublei heiwa da kyntu ya ki para dkhot wow chim ki ya ka lyngkor kawa da pynkup bor ha ki wow man ki kiwa yaineh ha ki kaam kiwa ka seiñ daw chim ko neibynta i bha i miat ka imlang sahlang.

Da ong u leh wa sñiawsih u wa ka sorkar MUA kawa dadep ym em leh ko iwon iwon wow kynthup ya ka ri-loom Jaiñtia wow yoh pdiang ya ka National Games 2022 wei da kyrmen u wa kani ka sorkar thymme yong ka MDA daw chimkhia ko wow elaad ya ka ri-loom Jaiñtia wow pdiang ya kani ka lympung yalehke wa heh ka Ri India.

Heijooh i por da pyntip u wa daw pynman ya ka All Jaiñtia Meet 2018 ha ki bnai wow wan wei daw pyntip paidbah ya ini.

Da kyntu u leh ya waroh ki khynroo wa ki waheh na ri-loom Jaiñtia kiwa chong wa sah ha Shillong wow ksohkti lang ki wa ka seiñ neibynta i bha i miat waroh.

Ha kani ka yalang da yoh ya ki kyntien e khublei na u General Secretary, u Request Pakma.

Advertisement ad1

Daw sdang chna ya ka 2nd Phase ka NEIAH wa kyn....

Previous

Daw pynman ya ki Audition neibynta ka MGT Season-3

Next

0 Comments

Leave a Reply