15 49.0138 8.38624 1 1 4000 1 http://wyrta.com 300

Rahnaam biang u khynroo Wamehi Suna ya ka ri-loom Jaiñtia

0 Comments
Advertisement ad1
Advertisement ad1

Jowai: U Wamehi Suna uwa puræ haka skur JNV Mukhla, West Jaiñtia Hills District da rahnaam u ya ka ri-loom Jaiñtia hadien wa da pynbna ya ka result Class XII Science yong ka Senior School Certificate Examination (SSCE) namo ka CBSE ha kani ka 26 tarik uni u bnai heiwa da yoh u hadooh 95.22%.

I ye u Wamehi wow kynjoh ya ka 95.22% u man ko ka parom wow sah kynmoo ya ka skur JNV Mukhla wa man u uwa nyngkong na kani ka skur wow yoh ya kani ka kyrdan wei da tam marks u ha waroh ki subject.

Advertisement ad1
Advertisement ad1

U Wamehi man u u khon ka Happy Rose Suna wa u Damut Bang kiwa na ka chnong Mukhla West Jaiñtia Hills District, wei man u u khon wa ar na ki ynru ngut chi payu.

Hawa klam e mynsien ya kiwi ki khynnah da ong u “Waroh i em ki jar jiar ka sap wa da e u Blai kamtæ ymtoh wow dooh kyrmen i tangwa emkaam wow kreh chitom i khnang wow yoh u maad ya i kmen wa khroo wa chi rta”.

“Kamwa nadooh dang khian jooh em O ka thong wow man u bru uwa jop, kamtæ lyngba ini i ye yong nga wow poi ha kani ka kyrdan, thrang O wow man u Doctor u wow sumaar ya ki paidbah wei lada ym yoh O yeini ha kani ka kynti daw lai pyndep chwa O ya ka Free Coaching ha Pune neibhah na ka jylla Meghalaya waroh kawi da chah jied O samen hadien wa da pyndep O ya ka test wa tip kam ka Joint Dakshana Selection Test (JDST 2018) ha u Kmaichonglad (December) u snem wa dadep,” da ong u Wamehi.

Chooh chooh da ong u wa kawi na ki bynta wa khroo wa e mynsien wei da pynchlur bha ya oo toh lyngba i sneiñ i kroo na kiwa hayung hasem, kamjooh hawa yoo u ya ki kattu katni ki bru wa jop ha i rta pyrthai yong ki kamtæ oo leh kwah u wow booh thong wei lada kiwi jop ki oo leh u ye u wow jop lyngba i kreh chitom.

Kam woo pynkynmoo heini u Wamehi da yoh u 92.66% wei da yoh u yei kyrdan wa 12 ha ka SSLC na Govt. Boys Higher Secondary School, Jowai ha u u snem 2016 wei da yoh Distinction u ha ka Khasi, Mathematics, Science & Technology, Social Studies wa Health Education.

Neiliang ka bei wa u pa yong u Wamehi dap ki dei mynsien wa kmen wa yoh u ya kani ka kyrdan deiwa ong wa kiwi ki manbei manpa leh emkaam wow sneiñ wei wow e mynsien ki ya ki khon yong ki khnang wa ki khon u yoh ki ya ka mynried kawa tyrchaaiñ.

Neiliang u Wyrta e khublei i ya u Wamehi wa da wanrah naam u yei pyrtuid ka ri-loom Jaiñtia weiwa u Trekirot u dang kyrkhu u ya oo.

Also Read: Tyrchaaiñ ka ri-loom Jaiñtia du naki 4 ngut

Also Read: Pynkup burom ka Govt. Boys ya u Berister wa u Wamehi

Da ki kot lakdop saam ka HYC heiyatoh wa i pyr....

Previous

Mynstep u pynman ya ka Horticulture Exhibition....

Next

0 Comments

Leave a Reply