Shillong: U Ferdinand Suchiang u dkhot ka Meghalaya Home Guard da wanrah burom ya ka jylla deiwa jop takma Ksiar u ha ka National Jeet Kune Do Championship wa dep pynman ha Kolkata, West Bengal nadooh 9-10 tarik uni u bnai.

U Ferdinand da yoh takma ksiar u ha ka kyrdan 55 Kg Full Contact Jeet Kune Do heiwa napoh ka jylla Meghalya ki dkhot yong ka da yoh ki waroh 10 tylli ki takma ksiar wa 7 tylli ki takma rupa.

Advertisement ad1

U Ferdinand da dep jop u leh ya kiwa boon ki yakop ha kiwa boon ki kyrdan nadooh yong ka jylla hadooh yong ka ri wei da man u leh uwa da biang kyrdan wow man u kam u Coach ha ka Kickboxing.

Kattu da booh thong u wow lai yakhun ha ka International Jeet Kune Do Championship kawa daw pynman ha Hong Kong ha ka 30 tarik uni u bnai.

U Ferdinand man u uwa khian rta dooh wow chah jied na ka jylla Meghalaya wow lai chimbynta cha Hongkong deilang wa u Thomas Rongthaluh.

U Ferdinand daw chimbynta u ha ka 57 Kg Light Contact Category katwa u Rongthaluh daw chimbynta u ha ka 54 Kg Form Wingchun Category.

Share this:
Share on Facebook0Tweet about this on TwitterGoogle+0
Advertisement ad1