15 49.0138 8.38624 1 1 4000 1 http://wyrta.com 300 0

Rai ka Elaka Mynso wow pynman Fish Sanctuary ya i bynta ka Wah Myntang

0 Comments

Jowai: Neibynta wow pynneh pynsah ya ki dakha ha ka Wah Myntang, ka Elaka Mynso ha ka sien lai luti nyngkong, da yakut ki wow pynman ya iwi i bynta ka wah kam ka Fish Sanctuary namo i thaw wow im chngaaiñ ki dakha.

Ini i bynta ka wah toh nadooh ka thwai Lamin hadooh ka thwai Slingi, i thaw wa em nadooh wa naneiñ cha wah ka yingkieñ Myntang Mynso, i bynta wa jrong kamwa 400 metre ka wah.

Advertisement ad1

Ha ini i bynta ka wah da khang wow khwe dakha, u pynyang jaar, u tong dakha næ kiwon kiwon ki kaam ki wow yah cha i tynyap ya ki dakha.

Kamtæ ka Elaka da khut ko ya ki paaid chong chnong ka Elaka waroh wa ya kiwi ki paralok kiwa wan khwe ha ka wah Myntang wow sñiawbha ki u burom ya ini i mana, khnang wa ini i thmu u man ko kawa jop.

Ka Elaka da yakut kow wow pyntip cha waroh kiwa chong chnong wa kiwa khwe wow man lang ki kam kiwa sonteri ya ini i bynta ka wah wei wow pyntip smat cha ka Elaka lada chem ya kiwon kiwon kiwa leh pyrchah wei daw e buskit ya kiwa pyntip.

Lada jia wa tyngkheiñ ya kini ki kyndon daw pynchitom ya ki katkam ka aiñ.

Ini toh katkam wa pynlait khubor u Chairman, Ning Pan (Acting Dolloi Elaka Mynso) wa u Secretary Elaka Mynso u Batskhem Myrchiang.

Advertisement ad1
Advertisement ad1

0 Comments

Leave a Reply