15 49.0138 8.38624 1 1 4000 1 http://wyrta.com 300 0

Rai ka sorkar wow pyntoh dan ya kiwa kamai palat T. 20 lak chi snem, wa kiwi ki rai ka Cabinet

0 Comments

Shillong: Ka yalang yong ka dhab ki montri ynne ka sngi da rai wa ki bru kiwa kamai hapoh T. 20 lak u lait ki na ka dan.

Ka sorkar Meghalaya da pdiang ko leh ya ka rai ka GST Council dang ini wadep wow pynhiar ya i pynngat dan ya i kamai yong ki bru hapoh ka ri.

Hawa pyntip yeini, u symbood montri rangbah ka jylla u Prestone da ong u wa ha ka yalang Cabinet da pdiang ya ka rai ka GST Council wow pynyinsur yow pynngat dan ya ki bru wa kamai na ka T. 10 lak cha ka T. 20 lak ha ka chi snem.

Da ong u wa kani ka rai u krehkaam ko nadooh ka 1 Naitung (April) uni u snem, heiwa ki bru wa kamai hapoh T. 20 lak chi snem, ym emkaam ki wow su dan.

Ka sorkar da pynyinsur ko leh ya ki kyndon wow booh dukan dai tim heiwa na ka 300 meter cha ka 100 meter u jngai ki na ki thaw puræ wa ki thaw sumaar wei yeini da leh neidaw wa ha Shillong da man ko kawa khynñia.

Chooh chooh da rai wow pynkylla ya ka chnat Agriculture cha ka Agriculture and Farmers Welfare kamwa da leh ka sorkar pyrdi wei wow wai noh ya u Mawlai Bye-pass ha kani ka 17 tarik uni u bnai wei ha kani hi ka sngi daw wai noh ya ka Police Outpost hajan ka NEHU harood uni u sarok wei ya kini daw wan wai da u Conrad Sangma.

U Mawlai Bye-pass jrong u kamwa 8 km wei daw chah wow lai du ya ki kari samen donhi na thaaiñ Umiam wei u man u u sarok One Way.

Advertisement ad1

0 Comments

Leave a Reply