15 49.0138 8.38624 1 1 4000 1 http://wyrta.com 300

Roi ki kaam pyrchah ya ki khynnah kynthai wa chynrang hapoh ka West Jaiñtia Hills

0 Comments

Jowai: U SP ka West Jaiñtia Hills District da pyntip u wa ha kani ka 14 tarik da yoh ujor ki wa ha ka 13 tarik heipor 9 waje i miet uwi u khynnah uwa dang 12 snem da chah rahbor u ha uwi u bru wei da leh u yei kaam sang ya uni u khynnah.

Hadien wa pynman ya ka takit ki pulit da yoh ki u em ya u Sanki Ksoo wei da pynngat ya oo ha ki kyndon aiñ lyngba ka Jowai PS Case No. 107(5)2018 u/s 23 JJ Act r/w Sec 3(a)/4 POCSO Act wei katni uni u bru da em u ha patok.

Advertisement ad1

Ha ka jooh biang ka sngi da yoh sa ka wi ka ujor napoh ka chnong from Khliehtyrshi, Moopyllaitsyiar heiwa kawi ka kynthai wa dang 15 snem da chah leh kaam wa sang ko ha uwi u bru wa tip kam u Deibor Talang (36 snem) nadooh u snem 2014.

Hei yatoh wa ini da pynngat ya uni u bru da ka Jowai PS Case No. 106(5)2018 u/s 5(l)/6 POCSO Act wei ka takit dang lai ko cha khmat wei ki pulit dang thooh ki ya uni u bru.

U SP da pyntip u leh wa da ku ki kaam pyrchah ya ki khynnah hapoh ka District wei ha uni u snem da em hadooh 17 tylli kam kini ki jait kaam wa da jia heiwa da haap ki hapoh ka aiñ POCSO Act wei le tylli toh kiwa da rah cha yung bichaar katwa 14 tylli toh kiwa dang pynman ya ka takit.

Da kem leh ya 13 ngut ki bru du hapoh uni u snem kiwa leh ya ki kaam pyrchah yei man hok ki khynnah.

Kamtæ neiliang u SP da ong wa ini i ku kini ki jait kaam pyrchah ya ki khynnah emkaam ki pulit yei krehkaam lang ki paidbah lada tip ki iwon iwon khamtam ki bru wa leh ya kni ki kaam wei wow pyntip ki wut wut cha ki Police Station wei kamjooh ye ki u Phone cha ka Police Control Room Jowai ha u number 03652-220782  wa 9774065467 (uwa em leh ya u WhatsApp).

Ye leh u email cha u SP ha [email protected] lada emkaam ki iyi iyi leh i yarap.

Advertisement ad1

Ujor ka HNYF-NC pyrchah ya u waheh chnong ka P....

Previous

Pynman ka DCPU ya ka pynsñiawthooh paidbah hei....

Next

0 Comments

Leave a Reply