15 49.0138 8.38624 1 1 4000 1 http://wyrta.com 300

Sa 5 tylli yoh takma ka Meghalaya ha ka India Senior National Kickboxing Championship

0 Comments

Jowai: Ka dkhot ka Meghalaya State Kickboxing Association (MSKA) ynnin ka 5 tarik kawa man leh ka sngi khaddooh ka WAKO-India Senior National Kickboxing Championship 2018 kawa pynman ha Kolkata da yoh ki sa 5 tylli ki takma (Medal).

Ha ka 5 tarik kiwa yoh Medal man ki kamni ha wah:

Advertisement ad1
Advertisement ad1
  1. U Hame Shaniah Suiam – Gold (Point Fighting Senior Men -57Kg), na Shangpung Mission.
  2. U Vishal Rai Sampang- Gold (Full Contact Senior Men -51kg), na Bishnupur, Laban.
  3. U Jezerel Sangma – Silver (Full Contact Senior Men -51kg), na Pynthorumkhrah.
  4. U Obinas Warjri – Silver (Full Contact Senior Men -54Kg), na Mairang Lummyrlong.
  5. U Elbring Umbah – Bronze (Full Contact Senior Men -63.5kg), na Mawtari Raidthaiang Ri-Bhoi District.

Waroh nadooh wa sdang ka Meghalaya da yoh ko 4 tylli ki Gold Medal, 5 tylli ki Silver Medal wa 10 tylli ki Bronze Medal wei waroh da poi 19 tylli ki Medal na ki 22 ngut kiwa ya chimbynta.

U Hameshaniah da jop u ya ka Gold Medal kawa 5 sien (National Champion) ha ki san snem ha ka yalehke Point Fighting ha kani ka sngi wei da yoh u leh ya ka 2nd Dan Degree ha Kickboxing.

Ha ka kyrdan Full Contact Senior Men ha ka Final da yachem para na Meghalaya ha pyrdi u Vishal Rai Sampang wa u Jezerel Sangma heiwa da jop u Vishal.

Advertisement ad1
Advertisement ad1

Da pynman ya ka tamasa yakob pynhær phok ka Ch....

Previous

Daw pynman ya ka CEC yong ka Seiñ Kur Bahkhla

Next

0 Comments

Leave a Reply