Advertisement ad1

Jowai: Hadien wa mih ka khubor hei yatoh wa chna ya i yung ha Chahtngit, Treriat Pamblah, wa em harood ka wah Myntdu khlem yohbor, da chem wa ini i yung da chna wei da pynemkaam ya ini wow man i kam i Masjid.

Advertisement ad1

Neiliang ki bor district ka West Jaiñtia hapoh i yahkhmat u Town Planning Officer, MUDA da pynman ki ya ka takit ha ka 15 Naiynru 2017 hei emlang ki sahep na ka District, na ka Jowai Municipal Board, wa kiwi kiwi.

Ya ka bui (Report) hajrong kani ka takit da e cha u Deputy Commissioner ka District pyn ha kani ka jooh hi ka sngi.

Ha ka bui da ong wa ini i yung toh i yong u Sayeedullah Nongrum, wei ini toh katkam wa da pyntip da u Abdul Rehman Chowdry wei ya ini i thaw da pynemkaam kam i thaw mane ki Muslim ya iwa tip leh kam i Masjid.

Da ong wa katkam ki kot ki sla ym em u paan bor u Sayeedullah Nongrum namo ka Masjid Committee na ka office u Planning Officer, ya kawa tip leh kam ka Building Permission.

U Town Planning Officer da pyntip u leh ha kani ka bui wa i chna ya kani ka yung man i pyrchah ya ki kyndon ka aiñ kam ka The Meghalaya Building Byelaws 2011 kawa da pynman aiñ hapoh ka Meghalaya Town and Country Planning Act, 1973, (Assam Town and Country Act, 1959 Assam Act, 11 of 1960 as adopted by Meghalaya).

Da ong u leh wa lada em kiwa tyngkheiñ ya kini ki kyndon ye ki u chah pynchitom katkam ka Section 30B yong ka Meghalaya Town and Country Planning (Amendment) Act, 2004.

Heiwa ka 30B ong ko wa da e bor wow hukum ya ki tre namo kiwa chong namo kiwa pait ya ini i yung wow sliah namo tympra noh ya ini i thaw, wei ya ini kini ki tre toh u leh ki hapoh 30 sngi nadooh wa pynmih ya kani ka hukum.

Ya kani hi ka jooh ka chithi da pynpoi leh ya ka cha ka Kolkata Bench yong ka NGT kam chibynta yong ka mukotduma wow pynneh pynsah wei wow yada ya ka wah Myntdu kawa da ujor da u Sajay Laloo.

Hei yaklam wa ki kattu katni ngut ki sahep sorkar, da ong wa lada em kam kani ka rai tæ ki bor ka District toh u leh ki yeiwa emkaam deiwa bood ya ki kyndon yong kini ki aiñ.

Share this:
Share on Facebook0Tweet about this on TwitterGoogle+0
Advertisement ad1