15 49.0138 8.38624 1 1 4000 1 http://wyrta.com 300 0

Sangeh ki Navy wow sai yei metyap napoh krem mooyong, dang yang yei rai ka sorkar

0 Comments
Advertisement ad1

Jowai: Ki chipai ka Indian Navy ynne ka sngi da sangeh ki wow sai ya i metyap wa em hapoh ka krem mooyong iwa da yaleh wow sai biang nadooh ynnin i janmiet.

Kam wow pynkynmoo wa kiwa ha yung ha sem kiwa chah kset wa wan na Lumthari wa na Assam ynnin da kyrpaad ki wow sai bait ya i metyap wei lada ye katwa ye toh wow sai yei metyap khlem tlor i bynta i doh i pran.

Tangwa katwa pyrchang ka kor ROV u sai ya i metyap da tlor biang i doh i pran kamtæ da chim ya ka rai wow sangeh chwa wei wow yang yei rai ka sorkar.

I taan um dang pteiñ hi i heiwa ka CIL da taan um ko na ki ar tylli ki krem mooyong warim wei da leh ya ini nadooh ynnin i janmiet hadooh 5 waje ynne i janmiet iwa da kynjoh 23 kynta wei ka um wa da sai da poi ko hadooh 5216400 liter ka um.

Ka Company KSB da pynkrehkaam ko ya ki Pump yong ka nadooh ynnin 5 waje i janmiet hadooh 5 waje i janmiet ynne, wei waroh da sai 4554000 liter ka um.

Ka Odhisa Fire Service da sdang ko wow taan um nadooh 12 waje pyrdi sngi ynne wei da pteiñ hadooh 5 waje i janmiet, da sai ki 450000 liter ka um.

Advertisement ad1

0 Comments

Leave a Reply