15 49.0138 8.38624 1 1 4000 1 http://wyrta.com 300

Sdang joor i yakhih ki 30 seiñ wow dawa jylla Garoland

0 Comments

Shillong: Kam wow pteiñ yei yakhih wow dawa ya ka jylla Garoland State, ka seiñ Garoland State Movement Committee (GSMC) ynne ka sngi da pynman ko ya ka Rally ha thaw pynyieñ kari ka Additional Secretariat ha Shillong.

Da emlang ynne ka sngi 30 tylli ki seiñbhalang wa kynthup ya ka A’chik Holistic Awakening Movement (AHAM) kawa da yahkhmat da u Chiarman warim ka GNLA u Champion R Sangma na ri-loom Garo.

Advertisement ad1
Advertisement ad1

Ha kani ka Rally da em palat 100 ngut ki bru seiñ kiwa kbai wa ym chong ngiah lada ym yoh ya ka jylla Garoland wei da kyntu ki ya ka sorkar India waka sorkar jylla wow pynyoh yeini iwa man i dawa wa da slem bha.

Ka GSMC toh kawa da seiñ ha u snem 2012 wow yoh ya ka jylla Garoland katkam ka synchaar paidbah.

U Chairman ka GSMC u Nikman CH Marak da ong u wa ka jaitbru Garo da em ko i hok wow yoh ya ka jylla katkam ka aiñ States Reorganization Act, 1956.

Da ong u leh wa ini i dawa da mih i nadooh ki snem 19 spah heiwa uwa saiñhima wa nyngkong dooh ka Garo u tynde u Sonaram R Sangma da dawa u ya ini tangwa hadooh katni ympu em mih soh i.

Hawa kylli won ya u pood u ang ka jylla ka Garoland da jubab u deiwa ong wa ym pu em leh ya ini wei dang yang wow yaklam waka sorkar chwa wow chim ya ka rai wei nadooh u snem 1972 wa yoh ya ka jylla Meghalaya da im suk lang wa ki jaitbru Khasi wa Jaiñtia.

“Tangwa emkaam hi wow yoh ya ka jylla Garoland neidaw wa i phær i nadooh i ktien i thylliej, ka dustur riti, i rukom pynemkaam ya ki thaw ki bhaw wa i pynlai ya ka chnong ka thaw kawa ym em sariem wa ki Khasi wa ki Jaiñtia,” da ong u Chiarman ka GSMC.

Chooh chooh da ong u leh ini i dawa man i leh neidaw wa joor i sahdien ka ri-loom Garo.

Da pynkynmoo u leh ya u tynde u Hopingstone Lyngdoh wa u tynde u Clifford R Marak kiwa da yakhih wow pynyoh ya ka jar jiar ka jylla ya ki Khasi-Jaiñtia wa ya ka Garoland .

Neiliang Champion R Sangma da ong u wa sñiaw tikna u wa 100% daw yoh yeiwa dawa ya ka jylla Garoland deiwa ong wa u tynde u PA Sangma wa ha ka Election wa khadooh wa yieñ u toh ha ka yurim wow yoh ya ka jylla Garoland tangwa da khlaad noh u wei kamtæ da yooluti u wa u khon yong oo, u Conrad Sangma uwa man leh katni u montri rangbah ka jylla wow booddien u yeini wei lada ym leh u yeini ymye u ong wa u Conrad toh u khon u PA Sangma.

Advertisement ad1
Advertisement ad1

Hadooh 23,999 ki Soil Health Card da dep e cha....

Previous

Da ka yalang khut ka CoHP hajrong i chah kamtr....

Next

0 Comments

Leave a Reply