Jowai: Ka lehniam Durga Puja ha Jowai da sdang ko ha ka miet yong ka 19 Naichiphaw ha ka Shiv Mandir Complex kawa em hajan ka Jowai Police Station, ïa kani ka puja da pynman da ka Sarbajanin Durga Puja Committee, Jowai.

Ka luti wow lai cha kani ka mondir da man ko kawa yoo chongchit heiwa ki khynnah yakyndehke ki wei da dap kani ka luti da ki dukan dai baam wa harukom nadooh ki baam wa thiang næ ki mithai kam ki jalebi, laddu, rasgulla, ki baam wa sdieh kam ki kachauri, ki pakauri wa ki tiar kyndehke ki khynnah.

Hei ïaklam wa u Secretary kani ka Committee u Dilip Paul da ong u wa kani ka Puja da sdang ko nadooh i miet 19 tarik wei u kut ko ha ka 23 Naichiphaw.

Da pyntip u leh wa mynstep u pyndep ïa ka pam blang dep neitae ha ka 23 tarik won u lai pyngngam ki ka ka Blai Durga ha ka wah Myntdu. Da pyntip chooh chooh u wa neini daw pyrchang ki wow pynkhooid wei wow karriah noh ïa ki blai manda dep pyngngam um ki kamwa jooh leh ki cha kiwi ki thaw kam chibynta wow pynneh ïa um ka wah khamtam ka rymaw.

Chooh chooh ha uni u snem ïa kini ki blai da chna kyrpang da ki tiar ki wow yada ïa ka  rymaw, neibhah da chna da i khyndaw, ki chken, wa kiwi ki tiar kiwa ym ktah ïa ka rymaw.

Da pyntip u Dilip wa ha uni u snem ka Diwali u man ko ha ka 10 Khonchonglad (December).

Share this:
Share on Facebook0Tweet about this on TwitterGoogle+0
Advertisement ad1