15 49.0138 8.38624 1 1 4000 1 http://wyrta.com 300

Sdang ka pynyoo rong wa tip kam ka International Art Exhibition “Abode of Clouds”

0 Comments

Shillong: Ka pynyoo rong ya ki dur ki dar wa dro kawa tip kam ka International Art Exhibition “Abode of Clouds” kawa man kam chibynta ka Indo-European Cross-Cultural heiwa kiwa dro dur kiwa wan na kiwa boon ki ri da wan sah ki hapoh Meghalaya da sdang ya ka ha India International Centre ha New Delhi ha ka 8 tarik uni u bnai wei u pteiñ ko hadooh ka 18 tarik.

Kani ka exhibition da pynman ko dei yakrehlang u Resident Commissioner, Meghalaya House, New Delhi, India International Centre, New Delhi wa ki Picasso Pupils, Department of Arts & Culture, Government of Meghalaya wa ka Embassy ka ri Slovak Republic wa em ha New Delhi.

Advertisement ad1
Advertisement ad1

Hei klam u P. Sampath Kumar, Commissioner and Secretary yong u montri rangbah ka jylla Meghalaya uwa man leh kam u Resident Commissioner ka Meghalaya House, New Delhi da ong u wa ka Meghalaya du ka donhi ka jylla hapoh ka ri India kiwa kheiñkor ya ki khon kynthai bar ya ki khon chynrang.

Da ong u leh wa hapoh ka jylla da em ka chnong wa khooid dooh hapoh ka dawbah Asia, ka chnong Mawlynnong wei ka chnong wa joor slap dooh, ka Cherrapunjee iwa pynman ya ka jylla ka wow sahkynmoo ya kiwa wan ke cha ka wei da em leh i thmu wow krehlang waka Picasso Pupils ka seiñ kiwa dro dur yow pynman ya ka kaam uiñke suwari kawa neh kawa sah khamtam cha ki thaiñ nongkyndong ka Meghalaya.

Ka Omita Goyal, Chief Editor of India International Centre da khana ko wa i pyrtuid Meghalaya mut i Abode of Clouds iwa wan naka ktien Sanskrit wei da ong ko leh wa man ko ka jylla kawa miat kamjooh leh kiwi ki jylla wa em ha ka thaiñ mihsngi heiwa dang boon ki thaw kiwa miat toh kiwa ym pu em chem ya ki.

U Ambassador-designate ka ri Slovak Republic, u Ivan Lancaric hei klam yong oo da pynsñiaw u yei sñiawngooh ya kiwa pynman ya kani ka Exhibition wei da man ko leh kam laad wow yakreh lang biang kini ki ar ri neini chakhmat.

Ka Visual Artist kawa man leh kam ka Curator kani ka Exhibition ka Jana Bednarova (Slovakia), Coordinator ka Picasso Pupils da khana ko wa waroh ki pynyoo rong ynne ka sngi toh kiwa mih nei sah chi bnai kiwa dro dur ha Meghalaya lyngba ka programme “Artists’ Point”.

Ki dur wa pynyoo rong toh yei dru ki loom ki wah, i rukom im ki bru waka dustur riti yong ki wei kiwa dro toh Jana Bednárová (SK), Juhikadevi Bhanjdeo (IN), Dominik Bouma (CZ), Eliška Fialová (CZ), Zsofia Hajdu (HU), Barbora Chlastáková (CZ), Moinuddin Moni (BD), Juliana Mrvová (SK), Kateřina Pěkná (CZ), Jan Pražan (CZ), Gabriela Valls Schorr (ES), Michaela Vrbková (CZ).

Ha kani ka sngi da yoh leh ya i rwai na u Alakesh Dutta da em leh iwi i sur iwa da chna hei ktien Slovak-Assamese wei da tem leh ya i sur tynre ki Rabha wa ki Assamese da ka Duitara ki Khasi.

Ha kani ka sngi da emlang u Vetsop Namgyel, u Ambassador ka ri Bhutan, u Roman Masarik, Deputy Head of Mission ka Embassy ka ri Czech Republic, Dr. Zoltan Wilhelm, Director and Cultural Counsellor of Embassy of Hungary, u Frederick Kharkongor, Chief Electoral Officer ka Meghalaya, ki dkhot ka IIC Delhi wa kiwi kiwi.

Advertisement ad1
Advertisement ad1

Em hadooh kamwa 2 lak ngut hapoh jylla kiwa ym....

Previous

Chah kem u pulit ka 3rd MLP Bn wa i lakhit wa ....

Next

0 Comments

Leave a Reply