Advertisement ad1

Jowai: Ka West Jaintia District Sports Association (WJDSA) ynnin ka sngi 12 tarik u Ñaichiphaw da sdang ko sa ka lympung kynjetbol Super Division waka 2nd Division.

Ha ka yakop Super Division da iachem ka Chutwakhu pyrchah ia ka Loomkyrwiang heiwa ka Chutwakhu da jop ko 2-0 da ki kol wa thap u Toni Talang ha ka minit wa 22 waka kol u Bathiangmon Talang ha ka minit 90+4.

Advertisement ad1

Ha ka 2nd Division ka Loomchyrmang Mihmyntdu pyrchah ka Caroline Colony da kut ka ialehke da 0-0.

Ki team kiwa da hiar cha ka kyrdan 2nd Division naka 1st Division toh ka Loomiongkjam waka Mookyrdup dei wa ioh ki mar 3 point na ki san tylli ki iakhun wa da embynta ki.

Ka iakhun semiphainal iong ka 1st Division man ki kamni nea:

  1. Nangbah Mulang SC Vs. Demthring SC
  2. Ladthadlaboh SC Vs. Panaliar SC

Ia ki tarik daw pyntip ha kini ki sngi wa daw wan.

Share this:
Share on Facebook0Tweet about this on TwitterGoogle+0
Advertisement ad1