Advertisement ad1

Jowai: Ka Jowai Traffic Police ynne ka sngi 11 tarik da sdang ko ya ka tayaw wow pynsñiawthooh paidbah hajrong i emkaam wow yada pyn daki yaki hi hawa yah kari ha sarok ya kawa da tip leh kam ka 29th Road Safety Week.

Yeini i pynsñiawthooh paidbah da jooh pynman khlieh u snem ha u bnai Duyatra neibynta u pteiñ i pynkynmoo ya ki paidbah wow ksohkti lang ki neibynta ka imlang sahlang.

Advertisement ad1

Ha kani ka sngi sdang i pynsñiawthooh da leh hapoh i yahkhmat u D.H. Pde uwa man kam u Incharge Jowai Traffic wa u P. Pohchen uwa man kam u symbood Incharge Traffic heiwa da pynman ki dei sylli ya ki kari wa lai wa wan ha Yingkieñ Myntdu deiwa sylli ya ki license, seat belt, i kit palat pood wa kiwi kiwi.

Heijooh i por leh da saam ki ya ki kot lakdop wa da thoh ya ki kyndon ki aiñ wow kiar kiwa yah kari kiwa kynthup kam i wymhoi u dih ki jait pynmuaid hawa yah kari, ym hoi u knieh pass hei thaw wa khim, ymhoi u pynhær kari, ymhoi u klam phone hawa yah kari, u sap helmet hawa yah thuk thuk, wow pyndait seat belt hawa yah kari wa kiwi kiwi.

Ki kyndon neibynta ki paidbah won toh barabor u lai ki neiliang timun, na luti lai kjat, u kaap chilliang sarok heithaw wa em u Zebra Crossing,  ymhoi u lai ha sarok hawa muaid, ymhoi u hiar kari heipor wa dang lai ko wa kiwi kiwi.

Neiliang ki pulit da pyntip ki leh wa yeini i pynsñiawthooh u pteiñ ki ha ki thaw waphær waphær wei u pynkut won ya ka ha ka 17 tarik uni hi u bnai daka lai rally wei u pynkut won daka yalang ha Yungwalieh ka Tpep Pale.

Advertisement ad1
Advertisement ad1