15 49.0138 8.38624 1 1 4000 1 http://wyrta.com 300

Sdang ka Tiger Five Football Tournament 2018 da ka yakhun wa kut 6-3 kool

0 Comments
Advertisement ad1

Jowai: Ynnin ka sngi, ka Sports and Youth Affairs Chilliangraij, Jowai da sdang ko ya ka Tiger Five Football Tournament (Open to All) kawa man leh ka sien kawa phra, heiwa ya kani ka yalehke football wa mar san ngut chiliang da wan wai da u A.A Shullai kam u kongsan uwa man leh u MDC ka thaiñ hei emlang u Damon Dkhar Secretary ka HANM kam u Symbood Kongsan, u Emperor Bareh Vice President JSU Central Body, u L. War President JSU Central Body, u Heibor Pariat Chief Adviser JSU Central Body, u Dawanpoi Laloo President MPUF, u D.H. Pde Waheh Chnong ka Chilliangraij, u Lamphrang Shylla, General Secretary wa kiwi kiwi.

Hachwa wow sdang ya kani ka yalehke da pynman ya ka yalang wa tbian kawa da pynlai da u Wompher Laloo, Chairman Sports & Youth Affairs.

Advertisement ad1
Advertisement ad1

U DH Pde hei klam yong oo da yaroh u ya ka Sports Committee wa da ye biang ko u pynman ya kani ka yalehke football kawa man kawi na ki laad yarap ya ki khon khynroo wow pynmih yei sap yaleke sports yong ki kamjooh leh yarap ko hei wow pynduna ya ki kaam sih kiwa boon jait. U Damon Dkhar kam u symbood kongsan da kyntu u ya ka Sports Committee yow thooh laad u pynman ya kani ka yalehke neibynta ki khynnah khian (Grassroot Level).

U A.A. Shullai kam u kongsan hei klam yong oo da yaroh u ya ka Chilliangraij wa da pynman ko kam kani ka yalehke heiwa oo leh da boonsien da jooh yoh u wow sakhi, wei da kular u leh wow thooh chooh ya ki laad ki luti neibynta wow e yarap hei wow pynmiat pynbha chooh chooh ya kani ka madan.

Kamwa pynkynmoo, ha uni u snem kani ka madan da man ko kawa rap yoosuk neibhah da dep wow kær ya ka (fencing) kamjooh da pynmih ya ka tahw chong wa khajak ka wow pynsuk ya ki paidbah wa wan paitke. Yeini i yarap da yoh na u A.A Shullai heipor wa man u kam u CEM JHADC. Katwa ya i kyntien khublei da yoh na u Pynchit Rngad uwa man leh u Secretary Ka Sports & Youth Affairs.

Heiwa sdang yong ka yalehke ynne ka janmiet, ka Friends United da yaleh pyrchah ko ya ka Pohhali FC heiwa ka Friends United da jop ko da 6-3 kool.

Ya ki kool yong ka Friends United da thap da u Pynshngain Pariat, Jersey 18 ha ki minit wa 11 & 25, da pynbood won sa ka kool na u Nelson Shangpung Jersey 2 ha ka minit wa 21, u Joydeep Shylla Jersey 7 da thap u ha ka minit wa 47, u Chanki Iakai Jersey 19 da thap u ha ka minit wa 53, katwa ya ka wi ka kool da yoh heiwa uwi na ki player ka Pohhali da bakla u wow thap pyn chaki  ha ka minit wa 36 (own goal).

Neiliang ka Pohhali da yoh ki wow su ya ki le tylli ki kool na u Heimonmi Sutong, Jersey No. 11 ha ki minit wa 15 & 34, u Mehipaya Lamare, Jersey No. 16 da thap u ha ka minit wa 37. Kamtæ ka yalehke da kut ko heiwa ka Friends United da jop ko wei man ko ka dhab wa nyngkong wow psiah cha ka Second Round.

Ha uni u snem da wan wow yachim bynta da ki 18 tylli ki dhab.

Hadooh 12 tylli ki dhab kiwa wan chimbynta ha ....

Previous

Pynkupburom ka UDP Darrang Unit ya u Lahkmen R....

Next

0 Comments

Leave a Reply