15 49.0138 8.38624 1 1 4000 1 http://wyrta.com 300

Sdang psiah NPP kiwa boon khamtam na ka Congress wa ki MLA warim

0 Comments

Shillong: U MLA warim na Jirang, u Slomik Kalwing da beiñ joor u ya kiwa mihkhmat ka seiñ Congress kiwa katni neidaw wym ym em wa mihkhmat de ki kam nachwa.

U Kalwing toh uwa jooh mihkhmat yaka Congress wei hei yaklam wa kiwa pathai khubor ynne ka sngi, da ong u wa da em u waka seiñ Congress nadooh u snem 1976 wei i rukom krehkaam kiwa yahkhmat ha ka tai ka por wa kynthup ya u Purno A Sangma, Capt WA Sangma toh kiwa biang bha, tangwa katni hapoh i yahkhmat u Dr. Mukul Sangma da kylla lut i liang wanang.

U Kalwing da kynthah u ya u Montri Rangbah u Dr. Mukul kam uwa mihkhmat u wym jooh ap ya ki sur kiwa boon neibhah ya ka sorkar da synchaar da ki kattu katni ngut donhi ki bru. Toh na ini i daw da chim u ya ka rai wow yasoh noh wa ka NPP.

Ki bru wa pawkhmat kiwa wan psiah wa ka NPP ha kani ka sngi na Jirang, toh u Wesley Doloi, u Kiewshaphrang Thabah, u Jonestar Nonglait uwa sikai ha UCC, u Fullmoon Nongsiej, u Robert Sangma, u Eling Nongrum, u Santheng Sangma, u Cheris Marak, u Solomon Wahlang, u Sranly Wahlang, u Himot Thangkhiew, u Reading Shadap, u BS Kharlur, u Manoi Byrsat, u Wanlambok Dkhar, u Kardinal Sohshang, u Boring Diengan wa u Kobading Nongsiang.

Kini toh kiwa yahkhmat ya Congress wa na ka HSPDP yong ka thaiñ Jirang kiwa pdiang burom ya u president ka NPP u Conrad K Sangma.

Em hi ki MLA na kiwi ki seiñ kiwa kwah u psiah....

Previous

Dawa ka NPP wow takit ka NIA yei paan yarap u ....

Next

0 Comments

Leave a Reply